Usmon Asqaraliev: "Kelishilgan o'yinda hech qachon so'ngi daqiqada gol urilmaydi"

- "O'ta qiyin o'yin bo'ldi - deb so'zlarini boshladi murabbiy.

"Uchrashuv 90 daqiqa bo'lsa biz 95 daqiqa hujum qildik. Mezbonlar himoyada aytarli xatolarga yo'l qo'yishmadi. Lekin o'yin oxiridagi qo'pol xatolari ularga qimmatga tushdi. Bugungi g'alabadan keyin quvonishga xali erta. Men har doim  o'yinchilar va muxlislarga aytib kelganman va yana aytaman: Bu futbol, unda g'olib va mag'lub bo'ladi. SHu sababdan ham oldindagi baxs taqdirini men oldindan aytolmayman. Lekin xar bir o'yinda g'alaba bizning maqsadimiz.

Uchrashuvni ko'rmasdan baxo beruvchilar katta xatoga yo'l qo'yishadi. Kelishilgan o'yinda hech qachon so'ngi daqiqada gol kiritilmaydi. Biz har bir g'alabaga o'zimizning kuchimiz bilan erishmoqdamiz. Seriyali g'alabalarning siri, jamoa ahilligida! Lekin bizda ham kamchiliklar yo'q emas. Biroq xatosiz ish xam bo'lmaydi!  Xamma o'yinga jiddiy tayyorlanamiz. Xoh u Cementchi bo'lsin, xoh Nurafshon. Lekin bugun asosiy to'siqdan o'tib bo'ldik,- deydi Usmon Askaraliev.


Behruz Xolikov tayyorladi