APL yulduzlaridan 15 tasini tanlab olish talab etiladi. Siz tanlagan yulduzlar real hayotda qancha omadli to'p tepsa, siz qimmatbaho sovg'aga shuncha yaqinsiz.
Biz 20 oktyabr kuni start olgan 8-8-8 league’ning 1 ta turini ortda qoldirdik. Ixtiyoringizda yana 9 ta tur qoldi. Nima demoqchimiz, siz hali hech narsa yo'qotganingiz yo'q. Va albatta topib ham ulgurmadingiz. Biroq g'oliblar elon qilinadigan 10 qadamlik yo'lga birinchi qadamni tashlab bo'ldingiz.
Agar 1-tur siz uchun u qadar omadli kelmagan bo'lsa, tushkunlikka tushmang: yaxshi ot keyin chopadi. Balki kelasi turda siz tanlagan futbolchilar butkul boshqacha futbol namoyish etib, sizni ochkolarga ko'mib qo'yar, to'g'rimi?
2-tur uchun dedlayn 28 oktyabrda tugaydi. “MYU” - “Tottenhem” o'yiniga taxminan 1 soat qolganida, siz transferni to'xtatishingiz kerak. 1-turda qaysidir futbolchining harakatlari sizga maqul kelmagan bo'lsa, uni sotib yuboring va yangisini xarid qiling. Balki transfer bozorida ozgina “pul” ham ishlab olarsiz, balki yangi futbolchi jamoangizga nur olib kirar.
Hech bir futbolchidan ko'ngil to'lmadi, ular ishonchni oqlamadi, deysizmi? Hech qisi yo'q, futbol olamida sizdek jahli tez va qarorlari o'tkir murabbiylar ham uchrab turadi. Va ular orasida muvaffaqiyatga erishganlari ham bor. Mayli, sazangiz o'lmasin, almashtiring 15 ta futbolchining barini. G'alabani o'ylagan odam, hech narsadan tap tortmaydi, deyishadi-ku. Buning uchun balansingizni to'ldiring. EPLManeger siz bilan muzokara boshlaydi va 100 tangani 7 ming so'mdan sotadi. Siz 250 tanga bilan transfer bozoriga kirib, barcha - 15 ta futbolchini ham almashtirish imkoniga ega bo'lasiz. Bu xizmat sizga faqat 1 ta tur uchun beriladi.
Agar jamoangiz yaxshi ochko ishlagan bo'lsa, uning potenciali keyingi turda ham yaqqol ko'rinib turgan bo'lsa, siz hamma uchun berilgan imkoniyat - birgina futbolchini almashtirish bilan cheklanib qo'ya qolsangiz ham bo'ladi.
Ha, aytgancha, oramizda qaysidir klubga muxlislik qiluvchilar ham bor. Tabiiyki, ular o'sha jamoadan ko'proq futbolchi sotib olish payida bo'ladi. Biz esa har bir klubdan faqatgina 3 nafargacha o'yinchi olishga ruxsat etamiz. Bonus tarzida yana 1 ta o'rin qo'shib berilishi mumkin. Masalan, siz “Siti”, “CHelsi” yoki umuman boshqa klubdan 3 emas, 4 tadan futbolchi olishni istaysizmi? U holda hisobingizni to'ldiring va transfer bozoriga 300 ochko sarf qilib, maqsadingizga erishing.
Ilovaning o'zi sizga ball sotib olish yo'llarini o'rgatib turadi. Buning uchun siz bank plastik kartochkasiga ega bo'lishingiz va uni Click xizmatiga ulagan bo'lishingiz kifoya. Istalgan joydan turib, transfer bozorimizga kirib kelishingiz mumkin.
Siz bizda yangimisiz? Unda mana shu havolani o'qib chiqing va safimizga qo'shiling. 9 ta tur sizga peshqadamlardan o'zib ketish uchun bemalol etadi. Bizda tanish-bilishchilik yo'q. Axir futbolchilarning real hayotda qanday o'ynashini na biz va na kompyuter hal qiloladi. Umid faqatgina APL yulduzlarining o'zidan. Xullas, davom etamiz. Hammaga omad!
Diyor Imomxo'jaev
Bosh sahifaga
1146