"Lokomotiv" tarixidagi to'purarlarni bilasizmi yoxud Sanjar SHoahmedov 6-o'ringa ko'tarilib oldi

U o'zining tezkor o'yini, abjir xatti-harakatlari hamda bir-biridan chiroyli gollari orqali "temiryo'lchilar" ko'nglini zabt etdi.

Sanjar SHoahmedov hozirda 14ta gol bilan oliy liga to'purarlari safida bormoqda. Va bu ko'rsatkichi bilan yarim himoyachi "Lokomotiv" tarixidagi eng yaxshi to'purarlar ro'yxatida oltinchi o'ringa ko'tarilib oldi. Birinchi o'rindagi futbolchi kimligini bilasizmi? Bizningcha, ko'pchilik darhol topgan bo'lsa kerak, bu - Marsel Idiatullin. O'z vaqtida "Loko" safida ajoyib o'yinlarni o'tkazgan Idiatulin 42ta gol urishga muvaffaq bo'lgan. Va u "Lokomotiv"ning shu paytgacha eng yaxshi to'purari bo'lib turibdi. Ayni paytda Marsel Idiatullin "Lokomotiv" futbol maktabida ishlamoqda va 1997 yilda tug'ilgan futbolchilar murabbiyi hisoblanadi.

Undan keyingi o'rinni esa 30ta gol bilan Farhod Tojiev egallab turibdi. Joriy mavsumni asosan o'rinbosarlari tarkibida o'tkazgan Ivan Nagaev hozircha 17ta gol urgan va uchinchi o'rinda bormoqda. To'rtinchi-beshinchi o'rinlarni esa bir xil 16ta gol bilan Olim Navkarov va Zayniddin Tojiev band qilib turishibdi. Aytib o'tganimizdek, Sanjar SHoamehdov oltinchi o'rinda kelyapti va uning hisobida 14ta gol bor. Darvoqe, to'purarlik bobida Sanjarni izma-iz taqib etib kelayotgan hujumchi Marat Bikmaev hisobida hozircha 13ta gol mavjud.

"Lokomotiv" tarkibida kamida o'nta va undan ko'p gol urgan futbolchilar orasida to'rt nafar futbolchi hozir ham "temiryo'lchilar" safida faoliyatni davom ettirishmoqda. Bular - Ivan Nagaev, Marat Bikmaev, Sanjar SHomehdov va Islom To'xtaxo'jaev. To'xtaxo'jaev shu kungacha "qizillar" tarkibida 11 marta to'p kiritishning uddasidan chiqqan.

Quyida "Lokomotiv" tarixidagi 15ta eng yaxshi to'purarni keltirib o'tamiz:

1. Marsel Idiatullin - 42 gol
2. Farhod Tojiev - 30
3. Ivan Nagaev - 17
4. Olim Navkarov - 16
5. Zayniddin Tojiev - 16
6. Sanjar SHoahmedov - 14
7. Muzaffar Umrzoqov - 13
8. Marat Bikmaev - 13
9. Akmal Xolmatov - 12
10. Islom To'xtaxo'jaev - 11
11. Aziz Haydarov - 11
12. Viktor Klishin - 10
13. Oybek Usmonxo'jaev - 10
14. Sadriddin Abdullaev - 9
15. Ravshan Bozorov - 9