16:30 - “Neftchi” (Farg'ona) – “Qizilqum” (Navoiy)
Hakamlar: R. Ermatov (Toshkent), A. Rasulov (Toshkent), J. Saidov (Toshkent), B. Yulcharaev (Guliston).
Nazoratchi: R. Aytekov (Toshkent).
PFL vakili: V. SHtern.
Mashhur hakamimiz Avstraliya va Suriya o'rtasidagi uchrashuv paytida olgan jarohatini davolab yana maydonga qaytmoqda. Bugun Ravshan Ermatov Farg'onadagi bellashuvni boshqarib boradi.
Bugun qiziqarli bahs kechishi kutilmoqda, bunga sabab ikkala jamoaga ham g'alaba nihoyatda zarur. Qolaversa, rosmana o'yinlarda ikkala jamoa ham bittadan g'alabaga erishdi. Yaxshisi, bu o'rinda "Obod"ga qarshi bahsdagi texnik g'alabani hisobga olmay turamiz.
"Neftchi" ikkinchi davradagi yagona g'alabasini 23-turda "Olmaliq"ni 2:1 hisobida mag'lub etib qo'lga kiritgan. "Qizilqum" esa o'z maydonida "Qo'qon-1912"dan ustun kelgan.
Turnir jadvalida "Neftchi" "Qizilqum"dan 10 ochkoga ortda qolmoqda. Navoiyliklar 30 ochko bilan 11-o'rinda borayotgan bo'lsa, "Neftchi" 20 ochko bilan 15-o'rinni egallab turibdi. Jamoalarda maqsadlar turlicha: "Qizilqum" o'nlikka kirish, "Neftchi" esa oliy ligada jon saqlab qolish uchun kurash olib bormoqda. Bugungi o'yindagi imkoniyatlar borasida ikkala jamoani ham teng deya olamiz.
Bilasizmi? "Neftchi" shu paytgacha uydagi o'yinlarda faqat bir marta g'alaba qozongan. Jamoa 10-turda "Obod"ni zo'rg'a 1:0 hisobi bilan mag'lubiyatga uchratgan.
"Qizilqum" ham nima uchundir ikkinchi davrada o'zini ko'rsata olmayapti. SHunday bo'ldiki, jamoaning mag'lubiyat va duranglardan boshi chiqmay qoldi. "Qizilqum" ikkinchi davrada safarda to'rtta o'yinda maydonga tushib, shundan bittasida durang ("So'g'diyona" bilan) qayd etdi va uch bor ("Navbahor", "Buxoro" va "Nasaf" klublariga) mag'lub bo'ldi.
Bilasizmi? "Qizilqum" mavsum boshidan beri safar o'yinlarida hozircha ikki bor g'alaba qozonishning uddasidan chiqqan. Ikkita g'alaba ham birinchi davrada qayd etilgan bo'lib, jamoa Toshkentda "Bunyodkor"ni va Samarqandda "Dinamo"ni mag'lub eta olgan.
Bosh sahifaga
186