Hakamlar, sudyalar va jurnalistlar to'p tepganda

Sog'lom turmush tarzini targ'ib qilish maqsadida o'tkazilgan bu tadbirda to'rt jamoa g'oliblik uchun kurash olib bordi. Sport jurnalistlari jamoasining asosini "Championat.asia" sayti xodimlari tashkil etishgani etiborga molik.

Avvaliga jurnalistlar jamoasi "Mudofaa vazirligi Kubogi-2015" sohibi bo'lgan Oliy sud jamoasining asosiy tarkibiga imkoniyatni boy berdi.

Ikkinchi juftlikda Ravshan Ermatov sardorligida oliy ligamizda faoliyat olib borayotgan hakamlar guruhi Oliy sudning ikkinchi tarkibiga qarshi bahs olib borib g'alaba qozondilar.

Uchinchi o'rin uchun kechgan o'yinda sport jurnalistlari raqiblarini engishni uddalashdi. 

Oliy sud sudyalari va oliy liga hakamlari o'rtasida kechgan finalning asosiy vaqti jangovar durang bilan yakunlandi. Xattoki, penaltilar seriyasida ham kuchlar teng keldi.

Bir necha soat mobaynida turli soha vakillari sport maydonchasidagi bahsdan ko'z uzishmadi. Barcha jamoalar vakillari juda yaxshi jismoniy tayyorgarlikka ega ekanliklarini takidlash darkor. Sog'lom turmush tarzi tarafdorlari safi mana shunday uchrashuvlar bois kengayib borishi shubhasiz.

Darvoqe, shu kuni majmuada bolalar o'rtasida tashkil etilgan bayram ishtirokchilari Ravshan Ermatov bilan birgalikda esdalik uchun suratga tushganliklari ham etiborni tortdi.

Do'stona turnir barchada katta taassurot qoldirdi. Bunday uchrashuvlarni ananaviy tarzda o'tkazishga kelishib olindi.

Uchrashuvlardan lavhalar aks etgan sara suratlarni tomosha qiling.

\