Andijonlik 28 yoshli futbolchi Bobur Akbarov bu yil ilk bor o'zini xorij chempionatida sinab ko'rmoqda. Aytish kerakki, Akbarovning xorijdagi debyut mavsumi omadli chiqdi. Boisi uning jamoasi Kuala-Lumpur Malayziya premer ligasida chempionlik shoxsupasiga ko'tarildi. Kecha premer liganing so'nggi tur o'yinlari bo'lib o'tdi. Akbarovning jamoasi bo'lmish Kuala-Lumpur safarda Djoxor DTga qarshi bahs olib 1:0 hisobida mag'lub bo'ldi. Ammo shunga qaramay Kuala-lumpurliklar chempionatni yakunda 1-o'rinda tugatib, kelasi yil super ligada ishtirok etish xuquqini qo'lga kiritdi.
Etiborlisi Bobur Akbarov bu yil jamoasi tarkibida deyarli barcha uchrashuvlarida to'liq ishtirok etib, o'z oldiga qo'yilgan maqsadiga erishishida munosib xissa qo'shdi.
Aytishlaricha, Kuala-Lumpur futbol klubi rahbariyati Bobur Akbarov bilan o'rtadagi shartnomani yana uzaytirish taklifini bildirgan. Ayni damda tomonlar bu borada o'zaro muzokara olib bormoqda.
Bosh sahifaga
303