Internet – global tarmoq bo'lib, barchamizga ajoyib imkoniyatlar yaratib beradi - har bir oddiy o'quvchi o'z hissiyotlari, emociyalari, fikrlari, takliflari, savollari bilan barchaga bo'lishish huquqiga ega. Bu albatta ajoyib.
AMMO.
Saytdagi fikrlar reytingi, haqoratli so'zlarni o'chirish, provokaciyalani to'xtatish, o'quvchilarnin taklifidan kelib chiqib saytni yanada rivojlantirish orqali biz portalni yanada yaxshi qilishga urinayapmiz, butun jamoa vijdonan bu ishga kirishgan. Ammo bir nasani hisobga olishingizni so'rab qolardik: Har kuni saytga 100 mingdan ortiq UNIKAL o'quvchi tashrif buyuradi, har kuni saytga 3000dan 7000gacha(!) fikr qoldiriladi.
Tushunib turganingizdek har bir fikrni filtirlash juda katta va og'ir mehnat talab qiladi – foydalanuvchi shartnomasida aniq qilib yozib qo'yilgan: Qoldirilgan fikrga aynan o'sha o'quvchi JAVOBGAR hisoblanadi, sayt fikri esa u bilan MOS TUSHMASLIGI mumkin. Ammo ko'plab o'quvchilarimiz turli niklar, profillar ochish orqali rahbariyat, futbolchilar, murabbiylar va boshqalarni kurakda turmaydigan so'zlar bilan haqoratlashadi. O'sha o'quvchilar o'z oilasi davrasida ham shunday yomon so'zlarni ishlatishiga bizda katta shubha bor. Bir necha oy davomida saytimizda #babayanaut xeshtegini ko'plab o'quvchilar yozishdi, endi u tarixga aylandi va boshqa insonlarni mana shunday haqoratlash boshlanmoqda…
Bunga biz nima deymiz?
Bizning mehnatimizni qadrlang! Ertaga sizning o'ylab o'ylamay gapirayotgan - yozaetgan gaplaringiz uchun butun bir sayt jabr ko'rib qolishi mumkinligi haqida o'ylang! Atrofga boqing - va shunga qarab xulosa qiling. Bordiyu kimlargadir ochiq oydin talab va etirozlaringiz bulsa - marhamat O'FF sayti, portal va boshqalarga O'Z nomingizdan ochiq murojaat bilan chiqing, sayt orqasiga NIK orqali berkinish va uning faoliyatiga tahdid solish hurmatga loyiq ish emas. Sezgan bo'lsangiz asosli va o'rinli tanqid, mulohazali tahlil bizda o'z joyini va "plyus"larini topadi.
Championat.asia sayti qoidalarni qo'pol ravishda buzayotgan o'quvchilarga SHAXSAN qo'ng'iroq qilishni boshlab yubordi. Bizning jurnalistlarning ish vaqtini anchagina oladigan ushbu jarayon orqali yaqin orada o'z mevasini berishiga ishonamiz, fikr qoldirish madaniyatini o'stirishga va kelajakda saytning shu maromda ishlab, yanada rivojlanishiga umid qilamiz.
Agar bunday bo'lavermasa, bundan ham qatiy choralarni qo'llashga majbur bo'lamiz…
PS: ushbu maqola taxminan 10ta profil ochib so'kinish, haqrat va saytdagi deyarli barcha xabarlar tagida provokaciya yozib qoldirgan o'quvchiga bag'ishlanadi. Mamuriyat qo'ng'irog'idan so'ng ushbu o'quvchi uyatdan o'zini qo'yarga joy topa olmay uzr so'rashdan boshqa chorasi qolmadi…. Salom, qadrli
AsrorZiyodov,
AsrorZiyodov1999,
AsrorZiyodov2000,
... shuningdek o'zini ham, atrofdagilarni ham umuman hurmat qilmaydigan o'quvchilarga bag'ishlanadi.
Matluba Mustaeva.
Bosh sahifaga
219