Bu yilgi O'zbekiston chempionati oliy liga bahslarida g'alvir suvdan ko'tarilmoqda. "So'g'diyona" klubi futbolchisi SHerzod Jalilov "Paxtakor"ga qarshi uchrashuvdan oldin o'z fikrlarini bildirib o'tdi.
"Paxtakor"ga qarshi har doim qiyin o'yin bo'lib kelgan. Navbatdagi turdagi uchrashuv har ikkala jamoa uchun ham qiyin bo'ladi. Biz faqat g'alaba qozonish uchun maydonga chiqamiz. Kuni kecha O'FF tomonidan qabul qilingan qaror meni o'ylantirib qo'ydi. Keyingi yili 12ta jamoa ishtirok etar ekan. Ayni damda turnir jadvalida biz 12-pog'onadamiz. Bizni ishimiz futbol o'ynash, qolgan narsalarni rahbarlar xal qilishadi. Bu borada biror narsa deyishim qiyin.
Hozircha boshqa jamoaga o'tish haqida o'ylamayapman. Qanday jamoa bo'lishidan qatiy nazar oliy ligada to'p tepmoqchiman. To'g'risi, "So'g'diyona"dan ketish haqida o'ylab ko'rmadim. Jamoadoshlarim bilan yig'ilib qolgan 4ta turda g'alaba qozonish kerakligi to'g'risida gaplashib oldik. Agarda yaxshi natija bilan chempionatni yakunlasak, oliy ligada qolishga imkoniyatimiz bo'ladi. Oliy ligada qolish uchun kurashamiz", - deydi "So'g'diyona" futbolchisi SHerzod Jalilov
Bosh sahifaga
871