"O'FF o'z qarori bilan o'z reglamentini buzayapti degan gaplar ko'payib ketdi, eslatib o'tmoqchiman, oldingi rahbariyat davrida ham reglament ko'p va xo'p buzilgan.
Masalan, licenziyalash reglamentiga ko'ra oliy ligada faqat licenziyaga ega bo'lgan klublar o'ynashi mumkin. Bu qoida 2013 yildan buyon amal qilmoqda. Bunday qoida Osiyo qitasi mamlakatlarining juda kamida bor. Faqat Yaponiya yodimga tushmoqda. Barcha qolgan mamlakatlar licenziyalashdan faqat Osiyo CHempionlar ligasi uchun foydalanishadi. SHu bois, masalan, Saudiya Arabistonining "Al-Ittihod" klubi bir necha mavsum OCHLda ishtirok eta olmayapti, ammo o'z ichki ligasida bemalol o'ynamoqda. Mana shu yilda BAAda shunday vaziyat sodir bo'ldi: "Al-Ayn" va "SHabab Al-Ahli Dubay" licenziya olishmadi va OCHLda qatnasha olishmaydi, ammo ichki chempionatda muammosiz ishtirok etishadi.
O'FF o'z vaqtida licenziyasi oliy ligada o'ynash mumkin emas degan qoidani joriy qilgandi. Ammo talablarni bajarmagan klublarni jazolashni o'rniga barchaga licenziyalarni berib yuboraverdi. O'tgan yil "Obod" va "SHo'rtan" klublari licenziyaga ega bo'lishgandi. Birinchisini klub deb atab ham bo'lmasdi, ikkinchisi esa PFL tomonidan futbolchi oldidagi qarzdorlik natijasida 3 ochkodan mahrum qilingandi. Yani PFL "o'ng qo'li" bilan "SHo'rtan"ni reglamentni buzgani uchun jazoladi, "chap qo'li" bilan esa licenziya bergandi. Agar O'FF o'z reglamentiga qatiy amal qilganida shu yilning o'zida oliy ligada 14ta klub bo'lardi", - deb yozadi Nikimbaev feysbukdagi o'z sahifasida.
Eslatib o'tamiz, Alisher Nikembaev klub licenziyalash ishlarida anchagina tajribali, OFKda ishlaganida 2011-12 yillarda u aynan mana shu bilan shug'ullanganini eslash kifoya.
Bosh sahifaga
230
