“Lokomotiv” tarbiyalanuvchisi “Oldxem”ga qarshi o'yinda “Flitvud Taun” darvozasini qo'riqladi

Yosh istedod egasi Xurmatbek Yo'ldoshev va “Flitvud Taun” jamoasi murabbiylar shtabining taklifiga ko'ra iqtidorli darvozabon Rustam Nortojiev ayni paytda ingliz jamoasi mashg'ulotlarida ishtirok etishmoqda. SHuningdek, “Lokomotiv” tarbiyalanuvchilari “Flitvud” safida o'rtoqlik o'yinlarida ham maydonga tushishmoqda.

Kecha “Flitvud Taun”ning U-23 jamoasi “Oldxem” klubiga qarshi bahs o'tkazdi. 2:0 hisobida “Flitvud” foydasiga hal bo'lgan o'yinda jamoa darvozasini qo'riqlash o'zbekistonlik darvozabon Rustam Nortojievga ishonib topshirildi. Nortojiev o'yin davomida o'z darvozasini ishonchli tarzda qo'riqladi va gol o'tkazmadi.