Uchrashuv 4 noyabr shanba kuni “Markaziy” stadionda soat 17:00da boshlanadi
Ushbu jamoalar bu safar o'zaro 40-uchrashuvda maydonga tushishadi.
O'zPFL 27-tur
“Nasaf” (Qarshi) - “Metallurg” (Bekobod)
04.11.2017. “Markaziy” stadion. 17:00da
Bosh hakam: Ravshan Ermatov (Toshkent)
Qanot hakamlari: Abduhamidullo Rasulov (Toshkent), Jahongir Saidov (Toshkent)
Zaxira hakami: Jasur Muxtorov (Toshkent)
Nazoratchi: Artyom Arutyunov (Toshkent)
O'zPFL vakili: Noil Lutfulin (Toshkent).
Malumot o'rnida: Ermatov bu yilgi jamoamiz ishtirokidagi 6ta uchrashuvni boshqargan. SHulardan bittasi kubok bahsidir. Ermatov boshqargan uchrashuvlarning ikkitasida jamoamiz g'alabaga erishgan, qolgan uchrashuvlarda mag'lubiyatga uchragan. Ravshan Ermatov mazkur jamoalar o'rtasidagi birinchi davra 12-tur uchrashuvini ham boshqargan edi.
O'zaro uchrashuvlar tarixidan
Mazkur jamoalar milliy chempionatimizda ilk marta 1998 yili tuqnash kelishgan. O'zaro uchrashuvlarning statistikasiga etibor qaratsak, jamoalar milliy chempionatimizda o'zaro 39 marta tuqnash kelishgan. Bo'lib o'tgan 25 o'yinda “Nasaf” jamoasining qo'li baland kelgan. 4 o'yinda durang natija qayd etilgan. Qolgan 10 uchrashuvda bekobodliklar g'alaba qozonishgan. To'plar nisbati bo'yicha “Nasaf” futbolchilari ustunlikni o'z qo'llarida ushlab turishibdi – 67:31.
Bu jamoalarning o'tkazilgan to'rt uchrashuvida “ajdarlar” yirik hisobda zafar quchishgan. Eng yirik natija 2004 yil 15 martda Qarshida kechgan bahsda qayd etilgan. Unda “Nasaf” jamoasi raqib darvozasiga javobsiz ettita to'p yo'llashga muvaffaq bo'lgan.
“Nasaf” Bekobodda bo'lib o'tgan birinchi davradagi 12-tur uchrashuvida 1:0 hisobida mag'lub bo'lgan.
Qarshida o'tgan o'zaro uchrashuvlar tarixidan
SHu paytgacha bu jamoalar Qarshida o'zaro 19 uchrashuvda maydonga tushishgan. Ushbu uchrashuvlarning 17tasida “Nasaf” g'alaba qozongan. 1 uchrashuvda durang va yana 1 uchrashuvda madanchilar g'alabaga erishgan. Demak, Qarshida bo'lib o'tgan uchrashuvlarda “Nasaf” yaqqol ustunlikka ega. Bo'lib o'tgan uchrashuvlarda darvozalarga 59ta to'p kiritilgan. To'plar nisbati bo'yicha “Nasaf” ustunlik qilmoqda – 48:11.
Quyida Qarshida bo'lib o'tgan so'nggi 5ta uchrashuvning natijalarini etiboringizga havola qilamiz:
30.09.2016. “Nasaf” - “Metallurg” 3:0
15.05.2015. “Nasaf” - “Metallurg” 0:1
27.04.2014. “Nasaf” - “Metallurg” 0:0
04.05.2013. “Nasaf” - “Metallurg” 3:1
21.06.2012. “Nasaf” - “Metallurg” 1:0
Ko'rib turganingizdek, “Metallurg” Qarshidan so'nggi bor 2012 yilda g'alaba bilan qaytgan. Bu “Metallurg”ning Qarshida qozongan yagona g'alabasidir.
“Metallurg” jamoasining to'purarlari haqida
SHu paytgacha “Metallurg” jamoasi futbolchilari raqiblari darvozasiga 38ta to'p kiritishgan. Bu 15ta futbolchi tomonidan amalga oshirilgan. “Metallurg” jamoasi foydasiga 1ta avtogol ham bo'lgan.
Mehmonlar to'purarlar ro'yxatini Zohid Abdullaev boshqarib bormoqda, bu futbolchi 11ta to'p kiritgan. Abdullaevni vaqtida “Nasaf” tarkibida o'ynaganidan ham xabaringiz bor. Ro'yxatning 2-o'rnida Ayubxon Numonov bor, u 4ta gol kiritgan.
Uchrashuvlarning boshlanish vaqtlari
“Metallurg” - “Nasaf” jamoalarining o'rinbosarlari o'rtasidagi uchrashuv 03 noyabr juma kuni soat 15:00da boshlanadi. Uchrashuv har doimgidek Sputnik qo'rg'onidagi “Mehnatchi” stadionida bo'lib o'tadi.
Jamoalarning asosiy tarkiblari o'rtasidagi uchrashuv esa, 4 noyabr shanba kuni “Markaziy” stadionda soat 17:00da boshlanadi.
Qiziqarli uchrashuvlarni o'tkazib yubormang!
Bosh sahifaga
279