Ushbu turda Jizzaxning "So'g'diyona" klubi o'z uyida Toshkentning "Paxtakor" jamoasini qabul qiladi. Uchrashuvdan oldin "So'g'diyona" klubi posboni Muzaffar Abdullaev o'z fiklarini bildirib o'tdi.
"Biz har bir uchrashuvga jiddiy tayyorgarlik ko'ramiz. Boshqa jamoalarga qay darajada tayyorgarlik ko'rsak "Paxtakor"ga qarshi bahs uchun ham xuddi shunday tayyorgarlik ko'rdik. Bundan avvalgi turda "SHo'rtan" jamoasiga qarshi bahs olib bordik va mag'lubiyatga uchradik. Ushbu o'yindan so'ng, O'FF tomonidan yangi qaror haqida elon qildi. Ushbu xabardan so'ng jamoadoshlarim bilan "shok" holatiga tushib qoldim. Hozir biz oliy ligada qolish uchun kurash olib boryapmiz. Endi oldimizga qo'yilgan vazifa yana ham qiyinlashdi. Ayni damda oliy ligada qolish uchun bizda imkoniyat bor. Oldinda turgan 4ta uchrashuvda o'zimizga kerak bo'lgan ochkolarni qo'lga kiritishimiz shart.
Hozir barcha etiborni "So'g'diyona" jamoasiga qaratganman. Ushbu jamoani oliy ligada olib qolish uchun qo'limdan kelgancha harakat qilaman. Kelasi yili qaysi jamoa sharafini himoya qilishimni vaqt ko'rsatadi. Hozircha bu haqida o'ylab ko'rganim yo'q. Bugungi raqibimiz "Paxtakor" jamoasiga keladigan bo'lsam, "sherlar" kuchli jamoa. Har bir chizig'ida yaxshi futbolchilar to'p tepadi. Xavfli futbolchilari Marko Simich va Tiago Bezerra. Futbolda muxlislar o'n ikkinchi o'yinchi hisoblanadi. Nasib qilsa muxlislarimiz ko'z o'ngida "Paxtakor"ni mag'lub etamiz va g'alabani muxlislarimizga taqdim etamiz", - deydi "So'g'diyona" darvozaboni Muzaffar Abdullaev
Jahongir Sotvoldiev suhbatlashdi
Bosh sahifaga
214