17:00 - “Buxoro” (Buxoro) – “Qo'qon-1912” (Qo'qon)
Hakamlar: V. Serazetdinov (Toshkent), A. Capenko (Toshkent vil.), R. SHoyaxmetov (Toshkent), I. Xudaydatov (Toshkent)
Nazoratchi: A. Xotamov (Toshkent)
O'zPFL vakili: R. CHernikov
Hozirda jamoalarni bir-biridan ikki ochko ajratib turibdi. Negaki "Buxoro" 42, "Qo'qon-1912" esa 40 ochko to'plagan. Bugun Buxoro shahrida qiziqarli bahs bo'lib o'tishi kutilmoqda.
Ikkinchi davrada ikkala jamoa ham o'zgardi. Xususan "Buxoro" ikkinchi davra start olgach, ketma-ket to'qqizta o'yinda mag'lub bo'lmadi. Jamoa 10-o'yiniga kelib mag'lubiyatga uchradi va bu hol "Paxtakor" bilan o'yinda ro'y berdi.
Bilasizmi? "Buxoro" oxirgi ikkita bahsda yutqazib qo'ydi. Jamoa o'z maydonida "Paxtakor"ga va safarda "Navbahor"ga imkoniyatni boy berdi. Har ikkala bellashuvda ham buxoroliklar gol ura olishmadi.
Fakt: "Buxoro" o'z maydonida kechgan bahslarning faqat uchtasida mag'lub bo'lgan. Eng qizig'i, uchala klub ham Toshkent jamoalari. Jamoa "Obod", "Lokomotiv" va "Paxtakor" qarshiligini enga olmagan.
"Qo'qon-1912" ikkinchi davrada hozircha to'rtta g'alabaga erishdi va barcha g'alabalar uydagi o'yinlarda qo'lga kiritildi. Lekin safar bahslarida bu jamoaning ishlari besh deb bo'lmaydi.
Bilasizmi? "Qo'qon-1912" ikkinchi davrada safarda oltita o'yinda maydonga tushib, faqat bittasida gol urgan. Jamoa "Dinamo" bilan 0:0 o'ynagan bo'lsa, qolgan uchrashuvlarda mag'lub bo'lgan.
O'yinni kim boshqaradi? Mazkur bahs bosh hakami Viktor Serazetdinov joriy mavsum hisobidan Buxoroga birinchi bor tashrif buyuradi. Serazetdinov bungacha buxoroliklarning ikkita safar uchrashuvida hakamlik qilgan.
Qolaversa, toshkentlik hakam "Qo'qon-1912" ishtirokidagi bahsni ikkinchi bor boshqaradi. Birinchisida "Qo'qon-1912" safarda yirik hisobda mag'lub bo'lgan.
Bosh sahifaga
345