Nematulla Qutiboev O'zbekiston MTJning g'alabasiga ishonmoqda

Tajribali sobiq hujumchi Nematulla Qutiboevning o'z vaqtida qanday futbolchi bo'lganligini ko'pchilik yaxshi bilsa kerak.

Faoliyati davomida MTJda ham o'ynashga muvaffaq bo'lgan qoraqalpoq o'g'loni bugungi o'yin oldidan fikrlarini bildirib o'tdi. 

- Avvalo futbolchilarimizning KXDRga qarshi ko'rsatgan o'yinini alohida etirof etgan bo'lardim. SHu kuni barcha yigitlar astoydil xarakat qildi. To'g'risi, yakdil bir jamoa shakllanganib borayotganiga guvoh bo'lmoqdamiz. Oldin ko'pincha o'yin bu darajada qovushmasdi. Bugungi kunga kelib futbolchilarda o'z kuchiga bo'lgan ishonch ortgani ko'rinib turibdi  deya gap boshladi Qutiboev. 

- Bugungi uchrashuvda garchi Yamanni ko'pchilik autsayder sifatida ko'rsatayotgan bo'lsada, hammasini o'yinda bilinadi. Oldindin bir nima deyish qiyin. Lekin shunga qaramay shaxsan o'zim bugun vatanimiz bosh jamoasidan g'alaba kutyapman va ishonmanki yigitlar yorug' yuz bilan qaytadi.  

- Hujumchilar haqida nima deyish mumkin? Tajribali Aleksandr Geynrix haqida ortiqcha etirof shart emas menimcha. Uni barcha biladi qanday saviyadagi futbolchi ekanligini. Zaxiradan tushib bo'lsada, eng muhimi foyda keltirayotgani tahsinga loyiq. Aslida ham hujumchini asosan uning urgan gollari tanitadi. Yana bir iqtidorli hujumchi Igor Sergeev haqida ham ijobiy fikrlarni bildirish mumkin. Juda havfli futbolchi. Raqib jarima maydoni ichida joy tanlashni qoyillatmoqda. Bu bilan u himoyachilarga jiddiy tashvish tug'dirayotganini aytish darkor. Menimcha bugungi uchrashuvda ham murabbiylar Sergeevni boshlang'ich tarkibda maydonga tushirsa kerak. 

Islombek Rustambekov suhbatlashdi