- Raqibimiz bugungi o'yinga qanday taktika qo'llashini oldindan bilardik. Ularning asosan himoyalanib, tezkor qarshi hujumlar uyushtirishlarini kutgandik. SHunday ham bo'ldi. “Metallurg” jamoasida tezkor hujumchilar bor. Biz shularni hisobga olib tayyorgarlik ko'rgan edik. Futbolchilarimiz bugun ko'rsatmalarimizni yaxshi bajarishdi. Bugun shuningdek futbolchilarimiz maydonda erkinroq va mazmunli o'yin namoyish etishdi.
CHeranga taklif bo'layapti? Albatta bu tabiiy hol, bizning futbolchilarimizga doim qiziqish katta bo'ladi. CHeran o'zimizga ham kerak, u bilan hali bir yillik shartnomamiz bor. Asosiy maqsadimiz etakchi o'yinchilarimizni jamoada olib qolish. Bu oldimizda turgan dolzarb maqsad. Bu haqda klubimiz rahbariyatiga ham aytaman, albatta. CHunki bu jamoamizning keyingi faoliyati uchun ham juda zarur.
Standart vaziyatlardan foydalanmaslik haqida. Afsuski bu bizning kamchiligimiz. O'tgan o'yinda ham, bugun ham ko'plab standart vaziyatlardan foydalana olmadik. Bunday vaziyatlardan foydalana olishlik, raqib rejasini bo'zadi. Bu kamchilik ustida ishlaymiz.
Bugun zaxira darvozabon sifatida G'olib G'aybullaevni qaydnomaga kiritdik. Bunga majbur bo'lganimiz sababi, quyi ligada o'ynaydigan va o'rinbosarlarimiz safida o'ynaydigan darvozabonlarimiz diskvalifikaciyalar tufayli bizga yordam bera olishmasdi. Qolaversa, yana bir darvozabonimiz Umid Ergashev yoshlar terma jamoasiga jalb etilgani bo'ldi.
Bosh sahifaga
184