Bundesliga: "Der Klassiker"da gollar-shousi yoxud "Bavariya" yakka hokim

Yupp Xaynkes kelganidan keyin Bundesligada 4ta o'yin o'tkazgan "Bavariya" barchasida g'alabaga erishdi.

Avvaliga "Frayburg" yirik hisobda taslim etildi. Keyinchalik mehmonda "Gamburg" ustidan g'alaba qozonildi. O'tgan turda ham markaziy o'yinda "Bavariya" o'z uyida "Leypcig"ni ishonchli tarzda mag'lub etgandi. Bu safar esa Dortmundda chempionlik uchun kurashdagi yana bir asosiy raqib dog'da qoldirildi.

Yupp Xaynkes kelganidan so'ng jamoa ichki chempionatda ajoyib samaradorlikni namoyish etmoqda. To'plar nisbati: 11-1.

"Signal Iduna Park"dagi bahsda Boshsh boshchiligidagi "Borussiya" o'yin bobida yomon ko'rinmadi. Ammo maydon egalari tashkil etgan hujumlarni jarohatlangan Noyerni almashtirib turgan Sven Ulrayx bartaraf etishni uddasidan chiqdi.

Avvaliga Obameyang, keyinchalik Yarmolenko va Kagavada gol urish uchun qulay vaziyatlarga yuzaga kelgandi. Lekin "Borussiya" jamoasi vaziyatlarni golga aylantirishda muammoga duch kelayotganini yana bir bor isbotladi.

"Bavariya" esa Yupp Xaynkes tayyorlagan rejani to'liq bajarishni uddasidan chiqdi.

Avvaliga Tiago Alkantara-Xames-Robben "trio"si tomonidan tashkil etilgan kombinaciyadan keyin gollandiyalik qariya Robben o'z uslubida darvozani ishg'ol qildi.

Tanaffusga chiqish chog'ida Robert Levandovski Kimmixning o'ng qanotdan oshirgan to'piga zargarona zarba berib tablodagi hisobni 0:2ga etkazdi.

Tanaffusdan so'ng har ikkala jamoa yana bir bittadan gol urishga muvaffaq bo'ldi.

David Alabaning pasidan keyin Levandovski sobiq jamoasiga qarshi o'yinda o'zining dublini nishonlagan bo'lsa, mezbonlar "Bavariya"ning uchta goliga Bartraning yagona va chiroyli goli bilan javob qaytarishdi - 3:1.

SHu tariqa peshqadam "Bavariya" Dortmundda "Borussiya"ni ishonchli tarzda mag'lub etdi va Germaniyada yakka hokimligini mustahkamladi.

"Borussiya" ushbu mag'lubiyatdan keyin 20 ochko bilan turnir jadvalida 3-o'rinni "SHalke" bilan bo'lishib turibdi. "Gannover"ni mag'lubiyatga uchratgan "Leypcig" esa 22 ochko bilan 2-o'rinda bormoqda.

Germaniya chempionati.

11- tur

Borussiya D – Bavariya 1:3 (0:2, 1:1)

Gollar:0:1 – 16 Robben, 0:2 – 37 Levandovski, 0:3 – 67 Alaba, 1:3 – 88 Bartra.

Borussiya D – Byurki, Papastatopulos (Tolyan, 42), SHmelcer, Bartra, Toprak, Kastro, Vaygl, Pulishich, Kagava (Getce, 68), Yarmolenko (Sancho, 80), Obameyang.

Bavariya –Ulrayx, Xummels, Zyule, Alaba (Rafinya, 74), Martines (Rudi, 81), Robben, Kimmix, Xames (Vidal, 84), Alkantara, Koman, Levandovski.

Ogohlantirish:SHmelcer (9), Toprak (59), Alaba (65), Martines (75).