Garet Beyl. 18 yoshida Beyl endigina ''Tottenxem''ning asosiy tarkibiga kirishni boshlagan edi. U bu paytda chap qanot himoyasida harakatlanar edi. Keyinchalik bu futbolchi ''Inter''ga qarshi xet-trikini nishonladi va ''Real'' safiga 100 million evro evaziga o'tib, chempionlar ligasining g'olibiga aylandi. ''World Soccer'' nashri uning kelajagini to'g'ri baholagan va bu ro'yxatda uni 6-o'ringa munosib ko'rgan edi.
Serxio Aguero. Hozirda bu futbolchi ''Manchester Siti''ning eng yaxshi to'purari sanaladi. O'sha vaqtda argentinalik ''Atletiko" asosiy tarkibida gol urayotgan va Argentina termasida debyut uchrashuvini o'tkazgan edi.
Anxel Di Mariya. Yana bir argentinalik. O'sha vaqtda u ''Benfika''da harakatlanar va uni oldinda katta kelajak kutayotgan edi.
Karim Benzema. Francuz bu paytda ''Lion'' tarkibida 8ta golning muallifiga aylangan edi. Hozirda ko'plab muhokamalarga qaramay, ''Real''ning asosiy tarkibida harakatlanmoqda.
Mesut Ozil. Ozil bu paytda ''Verder'' safida harakatlanib, ''SHtutgart''va ''SHalke'' bilan chempionlik yo'lida kurashayotgan edi. Keyinchalik uning JCH-2010da yorqin o'ynab, ''Real'' safiga qo'shilganini yaxshi bilasiz.
Aleksis Sanches. 18 yoshida Aleksis Argentinaning ''River Pleyt'' jamoasida o'ynar edi. Ajoyib zarbasi va texnikasi sabab tilga tushgan futbolchi tez orada ''Udineze''safiga borib qo'shildi. A seriyadagi muvafaqiyatli o'yinlar esa uni ''Barselona'' tomon etakladi.
Toni Kroos. Bu vaqtda Toni "Bavariya"ning ikkinchi jamoasidan, asosiy tarkibga kirishga harakatlanayotgan edi. O'zining aqlli o'yini sabab mutaxasislar tiliga tushgan futbolchi uchun ''Real'' 25 million evro sarflab o'z safiga qo'shib oldi. Hozirda Kroos o'z ampulasi bo'yicha eng yaxshilardan hisoblanadi.
Xuan Mata. 19 yoshligida Mata ''Real'' uchun kerak bo'lmay, ''Valensiya''ga ijaraga berilgan edi. Ronald Kuman yosh ispanga ishondi va futbolchi ham bu ishonchni oqladi. 23 yoshida esa futbolchi ''tumanli albion''ga yo'l oldi.
Ivan Rakitich. Bu vaqtda xorvatiyalik futbolchi ''SHalke''ning asosiy tarkibiga kirish uchun kurashayotgan edi. Keyin esa ''Sevilya''ga yo'l oldi va jamoa etakchisiga aylandi. 26 yoshga etganda u haqiqiy grand jamoa safida qo'nim topdi. U hozirda ''Barsa''ning etakchisi emas, albatta. Biroq uni foydali futbolchilar qatoriga qo'shish, mumkin.
World Soccer talqiniga ko'ra 2007 yilning eng yaxshi 50 nafar yosh futbolchisi.
Xorij saytlaridan Maqsud Yahyoev tarjimasi
Bosh sahifaga
221