Bugun start oladigan musobaqada 16ta jamoa qatnashadi. Qoraqalpog'iston Respublikasi va viloyatlarda faoliyat ko'rsatadigan Mehribonlik uylari tarbiyalanuvchilaridan tashkil topgan jamoalar ishtirok etadi. Respublika Xalq talim vazirligi, “Sen yolg'iz emassan” bolalar jamoat fondi, O'zbekiston futbol federaciyasi va “Oq-tepa” futbol klubi bilan hamkorlikda o'tkazilayotgan mazkur turnirda 13-18 yoshli bolalar qatnashadi. To'rt kun davom etadigan musobaqaning barcha o'yinlari “Oq-tepa” maydonida bo'lib o'tadi. Ishtirokchilar 4 guruhga 4tadan ajratilgan. Bugun ochilish marosimi va 15:00dan boshlab guruh uchrashuvlari start olsa, erta-indin guruh bosqichining qolgan o'yinlari o'tkaziladi. Indinga tushdan so'ng chorak final, 8 noyabr kuni esa, yarim final hamda final o'yinlari tashkil qilinadi. O'yinlarning har bir bo'limi 20 daqiqadan iborat bo'ladi.
Ishtirokchilar: Toshkent shahri (3ta), Toshkent viloyati (2ta), Qoraqalpog'iston Respublikasi, Navoiy viloyati, Xorazm viloyati, Surxondaryo viloyati, Qashqadaryo viloyati, Sirdaryo viloyati, Jizzax viloyati, Andijon va Namangan birlashgan jamoasi, Farg'ona viloyati, Samarqand viloyati, Buxoro viloyati.
Saytimiz mazkur turnirni har kuni yoritib borishni rejalashtirgan. Qiziquvchilar, bugun tushdan boshlab, keyingi uch kun davomida ertalab 09:00dan kechgacha o'zining bo'sh vaqtiga qarab, “Oq-tepa” maydoniga tashrif buyurishlari va turnirni kuzatishlari mumkin.
Bosh sahifaga
146