Bugun O'zbekiston JCH saralashlaridagi 80-uchrashuvda maydonga tushadi
/ Kiritdi: BestMaster O'qilgan: 1631
O'zbekiston milliy terma jamoasi bugun 2018 yilgi Jahon chempionati saralashi doirasida Yaman mehmoni bo'ladi.
Bu o'yin O'zbekiston uchun Jahon chempionati saralashlari doirasidagi 80-uchrashuv bo'lib tarixga kiradi.
Hozirga qadar bo'lib o'tgan 79ta o'yinda vakillarimiz 40 marta g'alabaga erishishgan. 17ta uchrashuvda durang qayd etilgan va 22 bor raqiblarga imkoniyat boy berilgan. 152ta gol urilgan va 87ta gol o'tkazib yuborilgan.
Bugunga qadar O'zbekiston terma jamoasi JCH saralashlarida jami 26ta terma jamoaga qarshi maydonga tushgan. Ular orasida Janubiy Koreya, Yaponiya va Qatarga qarshi eng ko'p (6tadan) o'yin o'tkazilgan.
Malumot uchun, O'zbekiston terma jamoasi Jahon chempionati saralashidagi ilk o'yinni 1997 yil aynan Yaman terma jamoasiga qarshi safarda o'tkazgan edi. O'shanda jamoamiz No'mon Hasanovning penaltidan urgan goli evaziga g'alaba qozongandi.
Bosh sahifaga
234