Evropa ligasi doirasida "Gimaraesh"ga qarshi o'yin oldidan francuzlar himoyachisi Patris Evra unga etiroz bildirib baqirgan muxlisni tepadi. SHundan so'ng, UEFA darhol intizomiy ish ochadi, "Marsel" esa ana shu surishtiruvlar vaqtida o'yinchini klubdan chetlashtirdi. Hozircha u jamoa bilan mashg'ulot ham o'tkaza olmaydi, o'yinga ham tusha olmaydi.
"Marsel" - "Kan" (5:0) uchrashuvi oldidan Evraning kiyinish xonasidagi joyi mana shunday ko'rinish oldi.
O'z navbatida, Evra bilan bog'liq o'ziga hos tarix tribunalarda asosiy mavzu bo'ldi.
Asosiy banner: "Sen klubdan ham muhimroqman deb o'ylading. Seni bizning ranglarda ko'rishni xohlamaymiz. Yo'qol, Evra".
Boshqa bir bannerda shunday yozildi: "O'z futbolkangga muhabbat. Muxlislarga xurmat. Professionalizm. Nima, biz juda ko'p narsa so'radikmi?"
Yana bir bannerga esa ingliz tilida yozishdi: "This Game Is Over" (Bu o'yin tugali).
Bu erda "Marsel" muxlislari engil so'z o'yini qilishgan. Boisi, Evra ijtimoiy tarmoqlarda yuqoridagi uslubda tez-tez futbolni sevishini yozadi (I love this game).
Evra bunday holatda qachondir "Marsel"ga qaytishini tasavvur qilish qiyin.
Bu hozircha Evraning "Marsel" ekipirovkasidagi oxirgi surati. Muxlis tepilganidan sal o'tib olingan surat.
Patris Evraning o'zi esa vaziyatga optimistlarcha yondashmoqda. Bu narsa uning instagramdagi postida ko'zga tashlanadi: "Yaxshi natija va ajoyib ish, yigitlar. Siz bilan faxrlanaman. "Marsel"ning barcha haqiqiy muxlislariga rahmat. Men ulardan ajoyib qo'llab-quvvatlashni olaman".
Bosh sahifaga
1068
5 Dekabr 2022, 18:09