Birinchi davrada ushbu bahs 2:1 hisobida “So'g'diyona” foydasiga yakunlangan. Ertaga ushbu jamoalar o'rtasida ikkinchi davrada o'rin olgan bahs bo'lib o'tadi. Ayni paytga kelib turnir jadvalida xavfli xududida borayotgan jizzaxliklar uchun oldindagi uchta bahs hal qiluvchi o'yinlar bo'ladi.
Ushbu bahslar va shuningdek “Navbahor” ga qarshi o'yindan oldidan jamoamiz yarim himoyachisi Otabek Valijonovdan intervyu olishga qaror qildik.
“SO'G'DIYONA” JAMOASI BILAN BIZ BIR OILAMIZ
“So'g'diyona”ga kelishim bejiz emas. Jamoada ko'pchilik futbolchilar bilan ham oldindan tanishmiz. Jamoadoshlarim bilan bir oilamiz va har doim bir maqsad sari olg'a yuramiz. Jizzaxga kelib , jamoa g'alabalariga o'z hissamni qo'shishni maqsad qilgan edim. Ammo omadsizliklar ham bo'lib turdi. Menimcha, “Bunyodkor”, “Paxtakor” ga qarshi ko'rsatgan o'yinlarimizni har doim ko'rsata olgamizda edi hozirda yaxshiroq o'rinlarda bo'lgan bo'lar edik. Oldimizda yana uchta o'yin bor. Ularda ham shu o'yinlarimizni ko'rsata olsak, nasib bo'lsa yaxshi natijaga erishishga harakat qilamiz.
“NAVBAHOR” DA TO'P SURGAN PAYTLARIM BAXTIYOR ASHURMATOVDAN KO'P NARSA O'RGANDIM
“Navbahor” men uchun juda qadrli jamoa. To'g'ri,“Navbahor”da bir muddat o'ynaganman va bu jamoaning o'rni futbolchilik faoliyatimda eng zo'ri bo'lgan deb ayta olaman.O'ylab qarasam , 2014-2015 yillarda Baxtiyor Ashurmatov boshchiligidagi juda ajoyib jamoa yig'ilgan edik. “Navbahor” da to'r surgan paytlarim Baxtiyor Ashurmatovdan ko'p narsa o'rgandim Afsuski, ayrim sabablarga ko'ra jamoani tark etganman. SHundan so'ng,Baxtiyor Ashurmatov meni “Andijon”ga taklif qilgan va men o'z faoliyatimni “Andijon”da davom ettirganman. Bu insonning menga bildirilgan ishonchini oqlamoqchi bo'ldim va qachondir yana Baxtiyor Ashurmatov bilan birga bir jamoada faoliyat olib boraman deb umid qilaman.
“NAVBAHOR” YAXSHI SHAKLLANGAN JAMOA
“Navbahor” millliy chempionatimizdagi eng kuchli jamoalardan biri. Juda chiroyli o'yinlarni namoyish etmoqda,yaxshi shakillangan jamoa. Sobiq jamoadoshlarimga qarshi o'ynash har doim qiyin bo'ladi. Hozirgi kunda men jizzaxliklar sharafini himoya qilmoqdaman. Albatta, futbolchi sifatida qaysi jamoada to'p tepmay, murabbiy ko'rsatmalariga to'liq amal qilgan holda bor kuchimni jamoa g'alabalari yo'lida ayamayman. “Navbahor”ga chaqirilganmidim?Yo'q 2017 yilda jamoaga chaqirilmaganman. Bundan xafa bo'lmaganman. CHunki,har bitta murabbiy o'z qarashlari bo'ladi va o'z rejasi bo'ladi. Bu jamoaning har bitta o'yinini kuzatib boraman va imkon bo'lsa bevosita stadiondan ham kuzatib turaman.
12 TA JAMOA QOLISHI TO'G'RI , AMMO...
Bu qaror 2019 yildan kuchga kirganida mening fikrimcha jamoalar o'rtasidagi raqobat yanada kuchayar edi. Nima bo'lgan taqdirda ham men va jamoadoshlarim UFF tomonidan va chiqarilgan har bir qarorga hurmat bilan qaraymiz.
MUXLISLARGA TILAKLARIM
Muxlislarimga tilaklarim hamisha sog' -salomat bo'lishsin. Omad ularni xech qachon tark etmasin. Muhlislarni menga bildirayotgan ishonchini oqlashga harakat qilaman.
“So'g'diyona” matbuot xizmati
Bosh sahifaga
508