Evropada eng qimmat tarkib "Manchester Siti"da, "Tottenxem" va "Barselona" uchlikda, "Real" beshtalikda ham yo'q

Angliyaning "Manchester Siti" klubi tarkibidagi o'yinchilarning taxminiy transfer narxlariga ko'ra eng qimmat tarkibga ega.

Umuman olganda, jami 4ta klubning tarkibi 1 milliard evrodan oshiq baholangan: "Manchester Siti", "Tottenxem", "Barselona" va "CHelsi".

Futbolchilarning transfer qiymati CIES tadqiqot guruhi tomonidan ishlab chiqilgan algoritm asosida baholanadi.

"Manchester Siti"ning hozirgi tarkibi 1.196 milliard evro turadi, jamoaning eng qimmat o'yinchisi - Kevin De Bryuyne (144.5 mln evro).

"Siti"ning yana 3 nafar o'yinchisi 100 mlndan qimmatga baholangan: Leroy Sane (118.4 mln), Raxim Sterling (118.2 mln) va Gabriel Jezus (105.4 mln evro).

Ikkinchi o'rinda "Tottenxem" joylashgan (1.173 milliard evro). Ularning eng qimmat futbolchisi Xarri Keyn (186 million evro).

Uchlikni "Barselona" yakunlab berdi (1.13 milliard evro). Luis Suares esa jamoaning eng qimmat o'yinchisi (134 mln), Lionel Messi esa 117.3 million evroga baholangan.

CHempionlar ligasining amaldagi g'olibi "Real" bu borada oltinchi pog'onada turibdi (903 million evro). Krishtianu Ronaldu esa jamoaning eng qimmat futbolchisi (96 million evro).

Top-10:

1. "Manchester Siti" – 1,196 mlrd evro

2. "Tottenxem" – 1,173

3. "Barselona" – 1,130

4. "CHelsi" – 1,044

5. "Manchester Yunayted" – 919

6. "Real Madrid" – 903

7. "Liverpul" – 901

8. "PSJ" – 864

9. "Atletiko" – 800

10. "Yuventus" – 743 mlrd evro.