Andrey Miklyaev: "CHempionlik uchun katta qadam tashlandi, ammo..."

- Jamoadagi barcha futbolchilarga g'alaba uchun rahmat aytaman. Biz ikki xil taym guvohiga aylandik. Tezkor gol bizga bugun yordam berdi. Bugun ko'plab imkoniyatlarni golga aylantira olmadik. Himoyada ham bazi xatolarga yo'l qo'ydik. Umuman olganda muhim 3 ochkoni qo'lga kiritdik. CHempionlik uchun juda katta qadam tashladik. Lekin oxirgi qadamni tashlash juda og'ir bo'ladi. CHunki "Dinamo" bugun yutdi va ularda elitada qolish uchun imkoniyat paydo bo'ldi. Demak bu o'z-o'zidan bizga Samarqandda juda og'ir bo'lishini anglatadi.

Finishga yaqinlashganda oxirgi qadam tashlash doim og'ir bo'ladi.

"Lokomotiv"ning muvaffaqiyat siri nimada? Bizda ahil jamoa yig'ilgan. Klub ichida, jamoada hech qanday nizolar, kelishmovchiliklar yo'q. Muhit alo darajada. Jamoada ehtiroslar bo'ladi. Bu futbol. Ammo jamoa ichida hech qanday nizolar bo'lmaydi. "Lokomotiv" bir oiladek. Hakamlar bilan ham hech qanday mojarolar bo'lmaydi. Hammasi risoladagidek. Hakamlar bizning darvozaga ham, bizga ham penalti berishadi.

Kumush medali kimga nasib etadi? Ayni paytda o'yin jihatidan "Nasaf" juda kuchli, ular ajoyib sport formasida. Menga ko'proq "Nasaf" ko'rsatayotgan o'yin maqul. Ammo bu futbol. Futbolda har narsa ruy berishi mumkin. Bitta alohida uchrashuvda istalgan jamoaga qarshi o'ynasa bo'ladi. SHu boisdan ham kim ikkinchi o'rinni egallashi haqida biror narsa deyish mushkul.

Yangi format? O'FF rahbariyati chempionatimiz saviyasini, o'yinlar sifatini oshirish uchun ushbu qarorga keldi. Menimcha, bu format chempionatimiz kuchayishiga xizmat qiladi. So'nggi o'yinlarda borayotgan jamoalarni tushunaman. Lekin bu qaror elon qilinganidan keyin oxirgi uchrashuvlar juda qiziqarli va keskin kurashlar ostida o'tmoqda.