YANGILASH
Tadbir soat 11:00da boshlanishi rejalashtirilgan edi. Hozircha mehmon biroz kechikmoqda. Ushbu sahifada matbuot anjumanidagi barcha voqealarni kuzatib borish mumkin bo'ladi.
Karles Puyol Toshkentda + FOTO11:08. Nihoyat Puyol matbuot anjumani o'tadigan zalga etib keldi.
"Barchaga salom. Katta rahmat. O'zbekiston futbol Federaciyasiga rahmat aytaman. 2008 yil ham shu erga kelgandim. O'sha tashrif hamon xotiramda turibdi. Yana bir bor O'zbekistonda ekanligimdan xursandman. O'FF prezidenti janob Umid Ahmadjonov tufayli bu erdaman. Garchi O'zbekiston terma jamoasi Rossiyadagi mundialga chiqa olmagan bo'lsa ham yaqin vaqt ichida bunga erishasizlar deb umid qilaman. Yoshlarga etibor qaratilayotgani ajoyib. Agar yoshlarga etibor qaratsanglar 2022 yilgi Qatardagi JCHga chiqasizlar", - deydi Karles Puyol.
- Gvardiola "Barselona" bosh murabbiyi bo'lgan paytda Gvardiola tunlari sizlarga qo'ng'iroq qilishi haqida gaplar bor bu qanchalik haqiqat?
- Gvardiola ajoyib murabbiy. Uni dunyoning eng kuchli murabbiylaridan biri deb hisoblayman. U bilan bir mavsumda oltita sovrin yutgandik. Tunlari qo'ng'iroq qilarmidi? Yo'q albatta. Bu hazil edi. Agar qo'ng'iroq qilganida ham men unga javob bermasdim (kuladi)
- Bir kun kelib murabbiy bo'lsangiz O'zbekiston terma jamoasini boshqarishingiz mumkinmi?
- Hozircha 40 yoshdaman. Murabbiylik licenziyam ham yo'q. Agar kelajakda taklif bo'lsa balki O'zbekistonda ham ishlarman. Barcha narsa bo'lishi mumkin.
- O'tgan mavsum PSJ o'z uyida "Barselona"ni 4:0 hisobida mag'lub etgach siz intervyu berib "Barsa" chorak finalga chiqa oladi degansiz. Nimaga ishonib bunday degansiz?
- Ko'pchilik o'sha o'yindan so'ng "Barselona" kambek qilishiga ishonmagandi. Ammo 6:1 hisobidagi g'alaba bilan "Barsa" dunyoning eng irodali jamoa ekanligini ko'rsatgandi.
- Lui Van Gal siz uchun muhim murabbiy deb aytgansiz. Gvardiola bilan ko'p sovrin yutgansiz. Siz uchun qaysi biri qadrliroq?
- To'g'risi kimnidir ajratib ko'rsata olmayman. CHunki Lui Van Gal meni yoshligimdan futbolchi bo'lib etishishimga katta xissa qo'shgan. Gvardiola bilan esa dunyodagi barcha sovrinlarga ega chiqqanman. SHu bois ikkisi men uchun juda qadrli insonlar.
- Siz ayni paytda futbol agenti bo'lib ishlayapsiz. O'zbekistonlik qaysidir futbolchi yoki futbolchilarni Evropaga tavsiya qila olasiz?
- Bu juda og'ir ish. Ammo yaxshi g'oya. Masalan, "La Masiya"da yosh futbolchilarni avvalo futbolchi emas inson bo'lib etishishi uchun ishlanadi. "Real" yoki "Barselona"da o'ynash uchun talablar juda katta. SHu bois bu erda o'ynashga doim ko'p mehnat qilishi kerak.
"Barselona" klubining O'zbekistondagi muxlislar klubi "Barsamaniya" etakchisi Karles Puyolga maxsus sovg'a, futbolka topshirildi.
- O'zbekistonda ikkinchi bor keldim. O'tgan safar ham bu safar ham juda qisqa vaqtga keldim. SHu bois mamlakatingizdagi barcha diqqatga sazovor joylarni ko'rganim yo'q. Dunyoning hech qaysi davlatida bunchalik shirin mevalarni emaganman. Palovni esa hali eb ko'rmadim.
- Raqiblardan qaysi hujumchi sizga jiddiy qarshilik ko'rsatgan?
- Ko'p kuchli hujumchilarga qarshi o'ynaganman. Masalan, Leo Messi mashg'ulotlar vaqtida menga juda ko'p qiyinchilik tug'dirardi. Bundan tashqari Dide Drogba menga juda ko'p bor qarshilik qilgan. Unga qarshi o'ynash doim og'ir bo'lgan. Jismonan baquvvat va tezkor hujumchi edi u.
- Messi yoki Ronaldu? Kim kuchli?
- Jahon tarixidagi eng kuchli ikki futbolchi haqida gap ketmoqda. Messini har kuni mashg'ulotlarda ko'rardim. Uni futbol tarixidagi eng yaxshi futbolchi deb hisoblayman. Ronaldu ham kuchli, yildan yilga u kuchayib bormoqda. Yaqin kelajakda kim ularning o'rnini bosishi mumkin desangiz Neymar deb javob beraman. Ammo menimcha yaqin 7-10 yilda Messi va Ronaldu boshqalarga yutqazishmaydi.
- Sizningcha eng kuchli himoyachi kim?
- Jerar Pike. Sababi futbol o'zgarib bormoqda. Ammo uning uslubi o'zgarishlarga mos tushaveradi. U hujumda ham yaxshi o'ynay oladi.
- Kiber futbol o'yinlariga qanday qaraysiz?
- Kiber futbolni oldin juda ko'p o'ynardim. Hozir bunga to'g'risi vaqtim yo'q. Anchadan buyon kiber futbol bilan shug'ullanmayapman.
- "Real" va "Barselona" muxlislari o'rtasidagi munosabatga qanday qaraysiz?
- Bu dunyoning eng kuchli ikki klubi o'rtasidagi bahslarda muxlislar madaniyati albatta juda muhim. Ammo o'yin tugagach bu barchasi unutilishi lozim. Muxlislar o'zlarini qo'lga olishlari lozim.
- Toshkentga ushbu tashrifdan ko'zlangan maqsad qanday edi va tashrifga FIFAning qanday aloqasi bor?
- Faoliyatimni tugatgach nima qilish haqida ko'p o'yladim. FIFAning FIFA legend loyihasida ishlashga rozi bo'ldim. Aynan shu bois O'zbekistonga keldim va yosh futbolchilarga master klass o'tish, dunyoda futbolni ommaviyligini oshirish asosiy maqsadimiz hisoblanadi.
Narzulla Saydullaev
Bosh sahifaga
150