- Bu bizning o'z uyimizdagi oxirgi uchrashuvimiz bo'ldi. Birinchi navbatda men muxlislarimizga tashakkur bildiraman. Mavsum biz uchun oson o'tmadi. Ayniqsa mavsum starti ko'ngildagidek boshlanmagandi. Ammo shunga qaramay ishqibozlar tashrifi kamaymadi va ularni tashrifi ikkinchi davrada ancha oshdi. Bu albatta xursand qildi. Ishqibozlarimizga rahmat aytaman.
Jamoadagi futbolchilarga ham rahmat. Ular juda qiyin sharoitlarda mardonavor o'ynashdi.
Ikkinchi davrada yaxshi o'ynadik va kerakli ochkolarni qo'lga kiritdik. Jamoamiz mavsum tugashiga uchta tur qolganida sovrinli o'rinlarni naqd qildi. Endi bizni Qarshida final bahsi kutmoqda. Ikkinchi o'rin uchun kechadigan bellashuv juda qiziqarli o'tadi. Bizning maqsadimiz OCHLga yo'llanma olish.
O'yin haqida gapiradigan bo'lsam, yaxshi o'ynadik va muhim g'alabani tantana qildik. Bundanda yaxshiroq o'ynashimiz mumkin edi. Ko'plab imkoniyatlardan foydalana olmadik. Hisobni yanada kattalashtirishimiz imkoniyati bizda bo'lgandi. Umuman olganda, mavsum yakunida futbolchilar jismonan biroz charchab qolishganini ham inobatga olish kerak.
Darvozabonlar masalasi? Bizda juda yuqori raqobat mavjud. Eldor Suyunovni Lobanovdan hech kam joyi yo'q. "Paxtakor" faqat bitta frontda kurashayotgani sababli ikkita darvozabonga imkoniyat berolmayman. Tarkibdagi ikkala darvozabon ham kuchli. Kelasi mavsum kim darvoza turishi nomalum. Hech kimga asosiy tarkibdan joy kafolatlanmagan. Bu mavsum Lobanov darvozani yaxshi qo'riqlamoqda.
"Nasaf" bilan o'yin meni jamoadagi taqdirimni hal qiladimi? Bilmadim, buni rahbariyatdan so'rash kerak. SHunisi aniqki, meni oldimga kuchli uchtalikka kirish vazifasi qo'yilgandi.
Bosh sahifaga
173