- Bugun yig'ilganimiz bilan futbolchilar avvaldan bir-birini juda yaxshi taniydi. SHu boisdan garchi tarkib ancha yangilangan bo'lgan bo'lsada, jamoadoshlarimiz bilan kirishib ketish oson bo'ldi.
Ro'ziqul Berdievga ham bir tarafdan qiyin, menimcha. CHunki 2 kunda murabbiy nimadir qilishga ulgurmaydi. Hozir murabbiy futbolchilarni maksimal yaxshi kayfiyatda ushlab turishi lozim.
Ko'pchilik futbolchilarni jamoalarida Oliy ligada turnir jadvali masalalari echilayotgan rejalar bor. Ro'ziqul Berdiev birinchi navbatda futbolchilarga ortiqcha bosim qilmasdan, bemalol futbol o'ynashni takidlamoqda. Bu juda to'g'ri, deb o'ylayman. Ortiqcha bosim yo'q. SHu boisdan BAAga bemalol borib, ularni yutib kelsa bo'ladi.
Avvalgi terma jamoa bilan hozirgi jamoani qisqacha solishtirgan SHorahmedov quyidagilarni takidladi:
- Endigina bu jamoa bilan mashg'ulotlarni boshladik. SHu tomondan qaralsa, avvalgi jamoa bilan tezda taqqoslash mushkul. Ammo asosiy farqlardan biri, Berdiev ko'proq to'p bilan muomalada bo'lishni, jamoa to'pni nazorat qilishini xush ko'radi. Hozir ham kiyinish xonasida mashg'ulotlarga chiqishdan oldin murabbiy ko'proq to'p bilan muomalada bo'lib, texnik futbol o'ynashimizni takidladi.
Yig'inga chaqiruv olgan yosh istedodli futbolchilar bilan O'zbekiston terma jamoasini kelajagi haqida Akmal SHorahmedov quyidagilarni aytib o'tdi:
- Bir o'yin bilan xulosa chiqarib, bir narsa deb bo'lmaydi. O'ylashimcha, keyingi yig'inlarga jalb etilishi mumkin bo'lgan futbolchilar saralab olingan. CHunki keyingi bosqichga ko'riladigan tayyorgarlik ko'proq muhim ahamiyatga ega bo'ladi. Ro'ziqul Berdievda hozir tayyorgarlik ko'rish uchun hech qanday vaqt bo'lgani yo'q.
Kelajakda nima bo'lishi kim murabbiy bo'lishiga bog'liq masala.
Agarda O'FF Ro'ziqul Berdiev bilan 5 yillik shartnoma imzolaganida, balki murabbiy kelajakni o'ylab, umuman boshqa tarkibni jalb qilgan bo'lardi.
Hozir murabbiy oldida birinchi navbatda yaxshi o'yin ko'rsatish bilan birgalikda natija ham muhim. CHunki bu bevosita murabbiy obro'siga tasir qiladi.
Ikki-uch kun ichida ham yaxshi o'ynatish, ham natija ko'rsatish kerak.
Akmal SHorahmedov terma jamoa BAA bilan chiroyli o'yin ko'rsatishiga ishonmoqda.
- BAAga qarshi yaxshi va chiroyli o'yin bo'ladi. Natija juda muhim bo'lmagan bahsda jamoa erkinroq, xotirjam, hujumkor futbol o'ynashi mumkin. Qolganini o'yin ko'rsatib beradi. Muxlislarga g'alabani taqdim etishga harakat qilamiz.
SHahboz Beg'amov suhbatlashdi.
Bosh sahifaga
145