Ushbu turda hamyurtimiz Sardor Rashidov to'p tepadigan "Al jazira" safarda "Al Nasr" mehmoni bo'ldi va raqiblarini yirik 3:0 hisobida mag'lubiyatga uchratishdi. Uchrashuvda Sardor Rashidov o'z hisobiga gol+pas yozdirib qo'ydi. Ushbu bahsdan so'ng Rashidov o'z fikrlarini bildirib o'tdi.
"Arab Ko'rfaz kubogi juda ham qizg'in tarzda o'tmoqda. Oldimizga ushbu musobaqada g'olib bo'lish vazifasi qo'yilgan. SHuning uchun ham bor kuchimiz bilan harakat qilyapmiz. Ichki chempionat bahslari ham ancha qiziqarli o'tmoqda. Jamoalar bir qator yulduz futbolchilarni o'z safiga qo'shib olgani bunga yaqqol misol. "Al Jaish" tarkibida to'p tepeganimda ko'p gol urar edim.
"Al Jazira"da esa kam gol uryapman. O'zimni shaxsiy muammolarim bor edi. Buni barchaga oshkor qilishim shart emas deb o'ylayman. Ayni damda barcha muammolarim o'z echimini topmoqda. Sekin-asta o'zimga kela boshlayapman. Bor kuchim bilan harakat qilib terma jamoadagi o'yinimni ham kuchaytirib milliy terma jamoamizga g'alaba keltirishga harakat qilaman", - deydi Sardor Rashidov
Jahongir Sotvoldiev yozib oldi
Bosh sahifaga
818