SHirer: "Drinkuoter Angliya terma jamoasida boshqa o'ynamasligi kerak"

Futbolchi jarohatdan so'ng kerakli formada emasligini aytib, terma jamoa taklifini rad etdi.

"Agar gap Jahon chempionatining final qismi haqida bo'lganida jarohatlar tezroq tuzalib ketishi mumkindek tuyiladi. Futbolchi chaqiruvni rad etyapti, chunki kam o'ynagan? Denni Drinkuoter, nima haqida o'ylading? Agar etarli darajada o'ynamagan bo'lsang, mana imkoniyat, maydonga tush!

Men bunday futbolchilarni o'z jamoamda ko'rishni istamasdim. Bu munosabatdan so'ng, uni terma jamoaga chaqirmaslik kerak. Men o'ynaganimda, ko'plab futbolchilar hech bo'lmasa zaxira o'rindig'ida bo'lish uchun borini berishga tayyor edilar. Futbolchilar haqiqatdan ham terma jamoada o'ynashni istashmoqdami? Yoki klublar muhimroqqa aylanib, xalqaro futbol - ko'ngilxushlik bo'lib qoldimi? Milliy terma jamoaga chaqiruvdan faxrlanishingiz kerak, bundan yangi darajaga chiqishingiz lozim" - deydi SHirer.