Bu haqda mutaxassis gulfnews.com saytiga bergan intervyusida aytib o'tdi.
"Gaitiga qarshi ilk o'rtoqlik o'yinida faqat 25-daqiqadan so'ng vaziyat yaratishga muvaffaq bo'ldik. O'zbekistonga qarshi o'yinda yangi g'oya va taktikalardan foydalanamiz. Yaxshi formada bo'lish va chiroyli o'yin ko'rsatishimiz uchun vaqt kerak. To'g'ri, hamma tezda natija bo'lishini istaydi, biroq natijaga tez erishib bo'lmaydi.
Bu o'rtoqlik uchrashuvlarida futbolchilar bor etiborini faqat o'yinga qaratishi kerak. Agar diqqatni bir joyga to'plab harakat qilishsa, bundanda yaxshiroq futbol namoyish etishlari mumkin.
Jarohatlar - sportning bir qismi va bunga qarshi hech narsa qila olmaymiz, biroq Osiyo Kubogigacha bizda etarlicha futbolchi bo'ladi. Maqsadimiz hujum va himoyada yaxshi harakat qiladigan kuchli jamoa tuzish. Jamoaga yangi futbolchilarni chaqirishga intilamiz. Turnirlar yaqinlashsa haqiqiy kuchimizni ko'rasiz" - deydi Alberto Zakkeroni.
Eslatib o'tamiz, BAA hamda O'zbekiston terma jamoalari o'rtasidagi o'rtoqlik uchrashuvi bugun Toshkent vaqti bilan 18:00da boshlanadi.
Bosh sahifaga
529