Malumot uchun, Nasimov bu mavsum "Ansan Griners" tarkibida faoliyat olib bordi. Uning jamoasi birinchilikni 9-o'rinda tugatdi.
- "Koreyada o'yin to hakamning final hushtagi chalinmaguncha davom etadi. Hamma oxirigacha kurashadi. Garchi men u erda birinchi ligada o'ynagan bo'lsam ham, Koreya birinchi ligasi o'zimizning oliy ligadan kuchli. Yaqinda stadionga borib "Dinamo" - "Neftchi" uchrashuvini kuzatdim va shu o'yinni ko'rib Koreyada hatto birinchi liga bizdan ancha kuchli ekaniga yana bir karra amin bo'ldim", - deya aytib o'tdi Nasimov.
- "Janubiy Koreyada futbolga bo'lgan etibor va munosabat umuman boshqacha. Mashg'ulotlar orasida ham farq katta. U erda tashkilotchilik, matbuotning futbolni yoritishi, xullas barchasi yuqori darajada. Koreyada birinchi liga bilan "K" liga o'rtasidagi farq unchalik katta emas. Jamoalar kuchi ham bir-biriga ancha yaqin".
- "Bundan tashqari, u erda mashg'ulotlar zo'r o'tadi. Jamoa bilan ikki yarim yo uch soat shug'ullanasiz. Futbolchilarga doim bir xil tarzda og'ir yuklamalar beriladi. Men shuncha futbol o'ynab qaysi jamoalarda to'p tepgan bo'lsam, o'yindan ertasi kun albatta engil mashg'ulot o'tkazilgan. Lekin Koreyada unaqamas. Bugun o'ynadingizmi, ertaga yana hech narsa bo'lmagandek og'ir mashqlarni bajarib ketaverasiz. Mana shularni ko'rib ham Janubiy Koreya nima uchun doim jahon chempionatiga chiqishini o'zim uchun tushunib oldim".
Bosh sahifaga
246
