Yangitdan yig'ilgan jamoa uchun o'yin qoniqarli, deyish mumkin.
BAAga qarshi o'yin uchun maxsus tayinlangan bosh murabbiy Ro'ziqul Berdiev qisqa vaqt ichida jamoani bundan boshqacha o'ynatolmasdi ham. Aksiga olib to'liq bo'lmagan murabbiylar shtabi bilan butkul yangi jamoani qandaydir 3 kun ichida tuzish juda qiyin masala. SHunga qaramasdan terma jamoamiz safarda BAA bilan munosib o'ynashdi. Garchi mag'lubiyatga uchragan bo'lsakda, o'yin bobida BAA bizni mag'lub etdi, deya olmaymiz.
Birinchi bo'limni yaxshi boshladik. Berdiev uchrashuvga 3-4-3 taktik sxemasini tanladi. Bu taktik sxemani ustun jihati, jamoa himoyalanayotganda 5 kishi bo'lib harakatlanishi mumkin edi. Asosan birinchi taymda BAA hujumga o'tganida maydondagi joylashuvimiz 5-4-1 sxemaga aylandi. Tanaffusdan keyin esa tashabbus to'liqligicha terma jamoamiz qo'liga o'tdi.
BAAda ham yangi bosh murabbiy ish boshlagani sezildi. Raqib o'z o'yini bilan bizni hayratlantira olmadi. Birgina yaratilgan vaziyatdan unumli foydalangan BAA Dzakkeroni qo'l ostidagi ilk g'alabasini nishonladi. G'alaba ham to'liqligicha italyancha uslubda qo'lga kiritildi. Yani taktik g'alaba.
Berdiev esa faqat mahalliy futbolchilardan iborat jamoa bilan Dzakkeroniga yaxshigina kurash taklif etdi. Ikkinchi bo'limda bir qator vaziyatlarda hamkasbini asabiylashtirishga ham erishdi. Ammo bizdagi eng asosiy muammo, yani gol urish kamchiligi yana bir bor yuzaga chiqdi. Marat Bikmaev, Ivan Nagaevda gol urish uchun qulay imkoniyatlar taqdim etilganida hujumchilarimiz vaziyatga yakuniy nuqtani qo'ya olishmadi.
Osiyo Kubogi-2019gacha hali bir yildan oshiq vaqt bor deb o'ylash xato bo'ladi
Ikkinchi bo'limda zaxiradan maydonga tushgan futbolchilar ichidan esa Dostonbek Hamdamov va Aziz G'aniev o'yinga kirishib keta olishmadi.
Uchrashuvda yaxshi taassurot qoldirganlar ichidan esa Azamov, Kozak, SHukurov, SHorahmedov, Muhammadiev, Abduraximovni alohida ajratish mumkin.
Bu bahsda muhim natija emasdi. SHu tomondan olib qaraganda, bu o'yin kelajak uchun bizga bazi savollarga javob olish uchun ko'mak vazifasini bajarib beradi.
O'FF esa terma jamoa bosh murabbiyi borasida bayonot bersa maqsadga muvofiq bo'lardi. Maqsad xorijdan mutaxassis olib kelish bo'lsa, unda hozirgi kunda kimlar bilan muzokaralar o'tayotgani haqida malumot berilishi lozim. Mahalliy mutaxassislar ishlashi kerak deb hisoblansa, ularni hozirdanoq tayinlash zarur. Kelasi yili terma jamoamiz rasmiy o'yin o'tkazmaydi, OK-2019gacha hali 1 yildan oshiq vaqt bor deb o'ylash xato bo'ladi.
Terma jamoaga kimni tayinlashdan qatiy nazar, bu ishni imkon qadar tezlik bilan amalga oshirish kerak.
SHahboz Beg'amov
Bosh sahifaga
103