5-tur o'yinlaridan oldin 3ta jamoa yo'llanmaga ega bo'lgandi: Falastin, Ummon va Hindiston. Kechagi o'yinlardan so'ng yana 5ta jamoaning qita chempionatiga borishi aniq bo'ldi.
"A" guruhida qo'shnilarimiz Qirg'iziston terma jamoasi safarda Makaoni 4:3 hisobida mag'lub etishdi. Hindiston esa Myanma bilan durang o'ynadi - 2:2.
# | Jamoa | O' | YU | D | M | T-N | O |
1 | Hindiston | 5 | 4 | 1 | 0 | 10:3 | 13 |
2 | Qirg'iziston | 4 | 2 | 1 | 1 | 7:6 | 7 |
3 | Myanma | 4 | 1 | 2 | 1 | 8:5 | 5 |
4 | Makao | 5 | 0 | 0 | 5 | 4:15 | 0 |
"B" guruhida Livan safarda Gongkongni mag'lub etib yo'llanmaga ega chiqdi - 1:0. KXDR Malayziyani yirik hisobda taslim qildi - 4:1.
# | Jamoa | O' | YU | D | M | T-N | O |
1 | Livan | 5 | 4 | 1 | 0 | 12:3 | 13 |
2 | KXDR | 5 | 2 | 2 | 1 | 11:10 | 8 |
3 | Gongkong | 5 | 1 | 2 | 2 | 4:5 | 5 |
4 | Malayziya | 5 | 0 | 1 | 4 | 4:13 | 1 |
"C" kvartetida Kambodja mehmoni bo'lgan Iordaniya 1:0 hisobida zafar quchib Osiyo Kubogiga chiqdi. Vetnam o'z maydonida Afg'oniston bilan durang o'ynadi, bu natija mezbonlarga 2019 yilgi musobaqa borishlari uchun etarli bo'ldi.
# | Jamoa | O' | YU | D | M | T-N | O |
1 | Iordaniya | 5 | 3 | 2 | 0 | 15:4 | 11 |
2 | Vetnam | 5 | 2 | 3 | 0 | 8:2 | 9 |
3 | Kambodja | 5 | 1 | 0 | 4 | 2:15 | 3 |
4 | Afg'oniston | 5 | 0 | 3 | 2 | 5:9 | 2 |
"D" guruhida o'tgan turdayoq ikki yo'llanma sohibi aniq bo'lgandi. Bu turda Butan o'z uyida Ummonga yutqazdi - 2:4. Falastin Maldiv orolarini ayab o'tirmadi - 8:1.
# | Jamoa | O' | YU | D | M | T-N | O |
1 | Falastin | 5 | 5 | 0 | 0 | 25:2 | 15 |
2 | Ummon | 5 | 4 | 0 | 1 | 27:5 | 12 |
3 | Maldiv | 5 | 1 | 0 | 4 | 4:19 | 3 |
4 | Butan | 5 | 0 | 0 | 5 | 2:32 | 0 |
"E" guruhida so'nggi tur faqat rasmiyatchilikka aylanadi. Qo'shnilarimiz Turkmaniston terma jamoasi o'z maydonida Xitoy Taypei ustidan 2:1 hisobida g'alabaga erishishdi va 2004 yildan buyon ilk bor qita chempionatiga chiqishdi. Bahran Singapurni yirik hisobda mag'lub etib Turkmanistonga sherik bo'ldi - 3:0.
# | Jamoa | O' | YU | D | M | T-N | O |
1 | Bahrayn | 5 | 3 | 1 | 1 | 11:3 | 10 |
2 | Turkmaniston | 5 | 3 | 1 | 1 | 9:6 | 10 |
3 | Xitoy Taypei | 5 | 2 | 0 | 3 | 6:12 | 6 |
4 | Singapur | 5 | 0 | 2 | 3 | 3:8 | 2 |
"F" kvartetida kechagi ikkala o'yinda ham 0:0 hisobi qayd etildi. Qo'shnilarimiz Tojikiston terma jamoasi o'z muxlislari qarshisida Yamanni enga olmadi. Filippin esa safarda Nepal bilan murosa ko'chasini tanladi.
# | Jamoa | O' | YU | D | M | T-N | O |
1 | Filippin | 5 | 2 | 3 | 0 | 11:7 | 9 |
2 | Yaman | 5 | 1 | 4 | 0 | 5:4 | 7 |
3 | Tojikiston | 5 | 2 | 1 | 2 | 9:7 | 7 |
4 | Nepal | 5 | 0 | 2 | 3 | 2:9 | 2 |
SHu tariqa hozirga qadar saralash uchun berilgan 12ta yo'llanmaning 8tasi o'z egasini topdi: Hindiston, Livan, Iordaniya, Vetnam, Falastin, Ummon, Bahrayn, Turkmaniston.
Qolgan 4ta yo'llanma egalari so'nggi, 6-tur o'yinlaridan so'ng malum bo'ladi. Osiyo Kubogi saralash bahslarining 6-turi keyingi yilning 27 mart sanasida bo'lib o'tadi.
Eslatib o'tamiz, JCH-2018 saralashi uchinchi bosqichiga chiqqan 12ta jamoa o'tgan yilning o'zida Osiyo Kubogi-2019ga yo'llanmani qo'lga kiritib bo'lgan. Ular orasida O'zbekiston terma jamoasi ham bor.
Bosh sahifaga
187
