“Albatta, O'zbekiston Futbol Federaciyasi tomonidan amalga oshirilayotgan bunday o'zgarishlarni to'g'ri deb o'ylayman. Avvalambor, biz futbolchilar va murabbiylar futbolimiz rivoji uchun xizmat qilamiz. Qolaversa muxlislar uchun o'ynaymiz. Futbolchilar ham bo'sh stadionlarda emas, muxislar to'la stadionlarda jonini berib o'ynagisi keladi. Milliy chempionatimizda raqobatbardosh jamoalar qolib, shiddatli o'yinlar ko'proq bo'lsa, bundan faqat futbolimiz yutadi. Qolaversa, bu islohotlar, o'zgarishlarning zamirida Milliy terma jamoaga kuchli futbolchilar etkazib berish maqsadi ham yotibdi. Milliy chempionatimiz kuchaysa, o'z-o'zidan terma jamoalarimiz ham kuchayadi.
Milliy chempionatimiz kuchaysa, o'z-o'zidan terma jamoalarimiz ham kuchayadi
O'zbekiston Professional Futbol Ligasi O'FF va PFL tashkil qiladigan musobaqalarda ishtirok etish uchun professional futbol klublariga qo'yiladigan talablarni kuchaytirdi. Ushbu talablar stadionlarda barcha shart-sharoitlarning mavjud bo'lishi, futbol maydonlarining sifati yaxshilanishi, yoritish uskunalarining belgilangan holatda bo'lishi kabi jihatlardan iborat. Bu qarorlar ham futbolimiz rivojiga hissa qo'shishiga shubha yo'q”.
Bosh sahifaga
185