Qarshida "Nasaf" bilan o'ta muhim o'yinda maydonga tushadigan "Paxtakor" g'alaba qozongan taqdirda 2-o'rin va OCHL saralash bosqichi yo'llanmasini hal etadi. Aks holda, 30-tur va O'zbekiston Kubogi finali natijalarini kutishga to'g'ri keladi.
Uchrashuvga tayyorgarlikni SHota Arveladze boshchiligidagi jamoamiz yuqori darajada davom ettirmoqda. Diskvalifikaciya va jarohatlar bilan bog'liq muammolar yo'q.
Oliy ligada klublar 41 bor to'qnash kelishgan. "SHerlar" 23 bellashuvda zafar quchishgan. 10 durang va 8 mag'lubiyat kuzatilgan. "Nasaf" darvozasi 59 marta ishg'ol qilinib, 32 to'p o'tkazib yuborilgan. Qarshidagi uchrashuvlarda 6 g'alaba, 7 durang va 7 mag'lubiyat qayd etganmiz.
"Nasaf" - "Paxtakor" uchrashuvini navoiylik hakam Zokir Qodirov boshqaradi.
Ushbu hakam oliy ligada "Paxtakor" ishtirokidagi 8 bellashuvni boshqarib borgan. Jamoa ularda 6 g'alaba, 1 durang va 1 mag'lubiyatni qayd etgan.
Assistent hakamlar vazifasini Obid Jumaev va Ruslan Samandarov bajaradi.
 "Nasaf" | Oliy liga 29-tur |  "Paxtakor" |
Hakamlar: Zokir Qodirov (Navoiy), Obid Jumaev (Navoiy), Ruslan Samandarov (Navoiy), SHerzod Rajabov (Buxoro). Nazoratchi: Alisher Abdullaev (Toshkent). PFL vakili: Bobur Haydarov. | ||
Yoshlar tarkiblari bellashuvi 18 noyabr, shanba kuni 14:00da "Nasaf" yoshlar jamoasi bazasida start oladi. Asosiy jamoalar to'qnashuvi 19 noyabr, yakshanba kuni 14:00da "Qarshi Markaziy" stadionida boshlanadi.
Bosh sahifaga
1078