Navbatdagi turda Qarshining "Nasaf" klubi o'z uyida Toshkentning "Paxtakor" jamoasini qabul qiladi. Ushbu uchrashuvdan oldin "Nasaf" klubi futbolchisi Dilshod Rahmatullaev o'z fikrlarini bildirib o'tdi.
"Paxtakor"ga qarshi jiddiy tayyorgarlik ko'ryapmiz. Biz faqat g'alaba qozonish uchun maydonga chiqamiz. Ushbu uchrashuv ikkinchi o'rin nomini aniqlab beradi. Qolaversa ikkinchi davrada "sherlar" o'z tarkibini tajribali futbolchilar va yangi murabbiy bilan kuchaytirib oldi. Ularga qarshi juda ham ajoyib o'yin bo'ladi, deb o'ylayman. Ayni damda "ajdarlar" optimal formada. Raqiblarimizga ham bizga ham 3 ochko suv va havodek zarur. Biz o'z uyimizda to'p tepamiz. Aytishadiku uyda devorlar ham yordam beradi deb. Muxlislarimiz bizni qo'llab-quvvatlasa biz albatta g'alaba qozonamiz. "Paxtakor"ga qarshi yil o'yini bo'ladi"., - deydi Dilshod Rahmatullaev.
Ushbu uchrashuv ikkinchi o'rin nomini aniqlab beradi.
Jahongir Sotvoldiev yozib oldi
Bosh sahifaga
1085