Ijodiy guruh bilan tushga yaqin Qarshiga kelib, dastlab "Markaziy" stadionda "Nasaf"ning o'yin oldi mashg'ulotini kuzatishga muvaffaq bo'ldik.
So'ngra esa "Nasaf" klubi qarorgohi tomon otlandik. Klub bazasidan video va fotolavha uyushtirib, "Nasaf" - "Paxtakor" yoshlari o'rtasidagi bahsni tomosha qilgani "Sputnik"dagi "Nasaf" yoshlari istiqomat qiladigan bazaga yo'l oldik. U erdan ham o'yindan tashqari qiziqarli foto va video reportaj uyushtirdik.
Tez kunlarda "Nasaf" professional klubi qarorgohi, "Nasaf" akademiyasi, qayta rekonstrukciya qilingan "Markaziy" stadion va yoshlar jamoasi istiqomat qiladigan bazadan tayyorlagan reportajimizni "YouTUBE"dagi rasmiy kanalimiz va saytimiz orqali tomosha qilasiz.
Qizg'in va murosasiz o'tgan o'rinbosarlar bahsida yosh "sherlar" mezbonlarni mag'lubiyatga uchratishdi va chempionlik uchun navbatdagi qadamni tashlashdi.
O'rinbosarlar uchrashuvidan keyin esa yana "Markaziy" stadionga qaytdik va bu erda endi SHota Arveladze qo'l ostidagi "Paxtakor" o'yin oldidan o'zining rasmiy mashg'ulotini kuzatdik.
SHuni qayd etish kerakki, har ikkala jamoa azolari ertangi o'ta muhim o'yinga alo kayfiyat bilan tayyorlanishmoqda.
"Nasaf"da ham, "Paxtakor"da ham o'yin oldidan hech qanday yo'qotishlar yo'q.
"Ajdarlar" va "sherlar" uchun hayot-mamot jangiga aylanadigan ushbu to'qnashuvda hozircha aniq favorit nomini aytish mushkul.
O'yin bobida "Nasaf" ustundek ko'rinayotgan bo'lsada, "Paxtakor" o'zining mavsumdagi oxirgi va hal qiluvchi final uchrashuvida yorqin futbol ko'rsatishiga to'g'ri keladi.
SHunisi aniqki, bizni dahshatli va shiddatli futbol spektakli kutmoqda.
Ertangi o'yin atrofidagi muhit haqida gapiradigan bo'lsak, Qarshida ushbu bellashuvga bo'lgan qiziqish juda yuqori darajada.
Olingan malumotlarga ko'ra, uchrashuvga chiqarilgan chiptalarning 15 mingdan ziyodi sotib bo'lingan.
Markaziy sektorlar chiptalari sotuvining bozori chaqqon.
Ertaga "Markaziy" stadionda anshlag bo'lishi kutilmoqda.
Qarshi shahridan maxsus
SHahboz Beg'amov, Tolibjon Qosimov, Zoir Tursunboev
Bosh sahifaga
214
