– Qiziqarli o'yin bo'ldi. Golga tortadigan vaziyatlarni ko'p sodir etganimiz bilan ulardan maksimal foydalana olmayapmiz. Agar barcha imkoniyatlar muvaffaqiyatli yakun topganda edi, bahs surati “Neftchi” uchun ancha engil kechgan bo'lardi. SHu bois, o'yin davomida asabiy holatda bo'ldim.
– Vadim Karlenovich, “Neftchi”ning asosiy tarkibini yoshlar tashkil qiladi. Xususan bugun 17 yoshli futbolchi Avazbek O'lmasaliev jamoaga g'alaba keltiruvchi gol kiritdi. Umuman olganda, yosh shogirdlaringiz haqida fikringiz ?
– Yigitlarni o'yindan-o'yinga kuchayib borayotganiga guvohi bo'lyapman. Natijani ko'rib turibsiz. 17 yoshli futbolchi jamoa uchun muhim golga mualliflik qildi. Avvaliga men Avazbek O'lmasalievni asosiy tarkibda maydonga tushirganimda ko'pchilik unga shubha ko'zi bilan qaragandi. Lekin yakunda O'lmasaliev ishonchimizni oqlab, o'zini ko'rsatmoqda. SHu qatori terma jamoa uchun munosib nomzod sifatida ulg'aymoqda. Men bundan xursandman. Avazbekdan saviyali markaziy himoyachi etishib chiqadi deb o'ylayman. So'nggi turda ham yoshlarga imkoniyat berishda davom etamiz va oxirgi bahsda ham g'alaba uchun kurashamiz. Mavsumni munosib yakunlashni niyat qilganmiz, – dedi Abramov
“Neftchi” matbuot xizmati
Bosh sahifaga
1982