Birinchi liga. Ikkinchi bosqich yakunlari. Muxlislar borasida kim nechanchi o'rinda?

Darvoqe, muxlislar tomonidan birinchi ligadagi o'yinlarga bo'lgan qiziqish yuqori deb bo'lmaydi. Musobaqa aslida hech kimga kerak emasdek. SHunchaki barchasi rasmiyatchilik uchun o'tkazilgandek tuyulmoqda. Bunday deyishimizning boisi birinchi ligadagi o'yinlarga ishqibozlarning tashrifi juda ham pastligidir. Qolaversa PFL xodimlarini ham vodiy yoki voxadagi o'yinlarga borib, bevosita o'yinni kuzatgani va tashkilotchilik jihatlariga etibor qaratganini ko'rmayapmiz. Muxlislar uchun qulay sharoitlar yo'q deyarli. Bazida quyoshga qarama-qarshi bo'lgan tribunada o'tirgan ishqibozlarni ko'rib, achinasiz. Stadionda na tablo na suxandon uchun karnay. Bechora o'yinga biroz kechikib kelgan tomoshabin hisobni boshqalardan bilib oladi. O'yin oldidan jamoalar PFL madhiyasi sadolari ostida chiqib kelishi kerak emasmi aslida! Lekin bunday xolatni ko'rmay qo'ydik birinchi ligada. Bu esa tobora odatiy xolga aylanib bormoqda. Tanganing ikkinchi tomoniga ham qarash kerak, safar o'yiniga arang 11 nafar o'yinchi bilan borib kelib yurgan jamoalardan bu kabi professionallikni talab qilish ham yaramaydi. Birinchi ligada muammolar achib yotibdi. Gapiraman desangiz gap ko'p. Ayrim klub rahbarlariga bu yoqmasligi mumkindir. Lekin butun mavsum mobaynida bu haqda chiqish qilmay keldik. Natija o'zgarmayapti. Hammasi o'sha-o'sha.

Xullas mavzudan chalg'imasdan, ishqibozlarning statistikasi bilan tanishtiramiz. Eng ko'p muxlis yig'ish bo'yicha “Zomin” boshqalarni o'zidan ortda qoldirdi. CHindan ham zominliklarning har bir o'yiniga o'rtacha 1000 ziyod tomoshabin tashrif buyurdi.  

Keyingi o'rinlarni esa Farg'onaning ikki klubi egalladi. Quvasoyga katta futbol qaytishi u erdagi ishqibozlarni ham behad quvontirib yuborgani shubhasizdir. Buni jamoaning uy o'yinlariga kirgan muxlislar sonidan ham bilib olish qiyin emas.

Ajablanarlisi joriy mavsum nisbatan barqaror o'yin namoyish etgan Andijonning “UzDongJu” jamoasi bu borada ro'yxatning eng pastidan o'rin oldi. Jamoa uy o'yinlarini o'tkazadigan stadionda ishqibozlar uchun etarli sharoitlar yo'q. Katta extimol bilan kelgusi yil shahardagi “Navro'z” stadioni qaytadan tamirlanadi va “bo'yoqchilar” raqiblarini aynan mazkur arenada  

Muxlislar tashrifi kimda qanday?

1. “Zomin” – 20066/(o'rtacha)1254
2. “Cementchi” – 19647/1228
3. “Yozyovon-L” – 17139/1224
4. “Kosonsoy” – 13528/902
5. “Xorazm” – 13114/820
6. “Orol” – 10460/747
7. “G'ijduvon” – 9564/598
8. “Oq-tepa” – 6975/436
9. “Obod” – 6890/431
10. “Mashal-2” – 6738/421
11. “Nasaf-2” – 5968/398
12. “NBU-Osiyo” – 5929/371
13. “Lokomotiv-BFK” – 5943/371
14. “Paxtakor-2” – 5620/351
15. “Xotira-79” – 5052/316
16. “UzDongJu” – 4853/303

Islombek Rustambekov tayyorladi.