- O'zinglar ko'rganlaringdek, bugun jangovor o'yin bo'ldi. Uchrashuv davomida «Olmaliq» futbolchilari yuzaga keltirilgan vaziyatlardan samarali tarzda foydalanib, 2:1 hisobida g'alaba qozondi. Aksincha futbolchilarimiz imkoniyatlarni golga aylantira olishmadi. Omad bugun bizga kulib boqmadi. Agarda Oston O'runov bahs oxirlarida gol urganida yakuniy natija durang bo'lishi mumkin edi. Umuman olganda «Olmaliq» jamoasi haqli ravishda g'alabaga erishdi. Garchi mag'lubiyatga uchragan bo'lsakda, hayot davom etadi. Xato va kamchiliklardan xulosa qilib, izlanishda davom etamiz. SHuningdek, chempionatning so'nggi uchrashuviga jiddiy tarzda hozirlik ko'ramiz.
- Uchrashuv oldidan tarkibda yo'qotishlar yo'qmidi?
- Ayni paytda ikki nafar futbolchimiz – Oybek Qilichev va Mirzohid G'ofurovlar jamoaga yordam bera olishmayapti. Qilichev diskvalifikaciya qilingan bo'lsa, G'ofurov jarohat tufayli oldingi o'yinlarni ham o'tkazib yuborishga majbur bo'lgandi. Umuman olganda chempionat boshida ham jamoamizda raqobat kuchli ekanligi haqida aytib o'tganman. SHu sababli ixtiyorimizda mavjud bo'lgan o'yinchilar yuqorida nomlari qayd etilgan futbolchilarni yo'qligini bilintirishmayapti.
"Navbahor" matbuot xizmati
Bosh sahifaga
105