«Afsuski, muhim o'yinda yirik mag'lubiyatga uchradik. Buning uchun muxlislardan uzr so'raymiz. Bugun ikki tomon uchun ham ochkolar juda zarur edi. Raqibimiz saviya jihatdan bizdan bir bosh ustun ekanligi guvohi bo'ldik. O'yin davomida hisob 1:3ga aylanganidan keyin yigitlarning ruhiy holati tushib ketdi. Tarkibda o'zgarishlar qilib, vaziyatni o'nglashga intildik, ammo vaziyatlar yaratib, ulardan foydalanishda oqsadik.
Saviya jihatdan raqiblarimiz kuchli tarkibga ega. Aytaylik, o'yin boshida Abdumalik Abdullaev yakkama-yakka vaziyatda Nesterov darvozasini ishg'ol eta olganida o'yin umuman boshqacha kechardi. Ko'p o'tmay, xuddi shunday vaziyat Marat Bikmaevda bo'ldi, u esa darhol bitta zarba bilan vaziyatni golga aylantirdi. Bu futbolchining saviyasidan darak. Adnan Oraxovac gol urganidan keyin kurashga qo'shildik, ammo raqibning uchinchi goli yana o'yinni qiyinlashtirdi. Ularni chempionlik bilan tabriklaman.
Samarqandda futbolni sevishadi. Samarqandlik minglab muxlislar Oliy Ligaga munosiblar.
Jarohati bois himoyachimiz Radu Rogakning bizga yordam bera olmagani ham maydonda bilindi. Darvozabonimiz Temur Jo'raev ham bugun tarkibda yo'q edi. So'nggi o'yinda ham «Mashal»ga qarshi bahs oson kechmaydi.
PFLning qaroridan keyin karaxt ahvolga tushgandik. 12-o'rin bilan ligada qolmaslik juda alamli bo'ladi. SHu bois, klub PFL talablarini bajarishga kirishgan. Har holda har qanday o'rinda bo'lmaylik, stadionimiz muxlislar bilan gavjum bo'ladi. Sababi Samarqandda futbolni sevishadi. Samarqandlik minglab muxlislar Oliy Ligaga munosiblar. Har holda futbol eng avvalo muxlislar uchun ekanligini unutmaylik.
Bosh sahifaga
1936