Ushbu o'yinda “Sug'diyona” vakillari birinchi bo'limda 10 kishi, ikkinchi bo'limda 9 kishi bo'lib maydonda harakat qilishdi va shunga qaramasdan ham yakunda raqibni mag'lubiyatga uchrata oldi. Uchrashuvda hal qiluvchi gollarni kiritgan va g'alabaga munosib hissasini qo'shgan Umidjon Qodirov o'yin borasida o'z fikrini bildirdi.
- Ikkinchi davrada juda ko'p durang natijalar qayd etib qo'ydik va ko'p o'yinlarda omadimiz kelmadi. Jamoa bilan bor diqqatimizni shu o'yinga qaratgandik. Bugungi o'yin biz uchun juda muhim edi, biz jamoamiz bilan bahsga astoydil tayyorgarlik ko'rgan edik. Jamoamiz rahbariyati, xodimlari, jamoadoshlarim va muxlislarga bizni qo'llab-quvvatlashgani uchun raxmat aytaman. Bugun muhim bo'lgan 3 ochkoni qo'lga kirita oldik.
Birinchi bo'limdagi Ixtiyor Toshpo'latovning qizil kartochka olib maydondan chetlatilishi jamoaga qanday tasir qildi?
- Albatta, salbiy tasir qildi. O'yin boshida 10 kishi o'yin yakunida 9 kishi bo'lib harakat qildik. Ikki karra kuch bilan o'ynashimiz talab etilardi. Uchrashuv davomida jamoadoshlarim bir birini ruxan qo'llab-quvvatladi. Buning uchun ularga katta raxmat aytaman.
“So'g'diyona” matbuot xizmati
Bosh sahifaga
1659