Franciya chempionatining 13-turida "Marsel", "Lion", "Monako" kabi etakchilar ochko yo'qotdi. Super tarkibga ega PSJ esa yirik g'alabalarini davom ettirmoqda. Parijliklar so'nggi turda "Nant"ni taslim etdi va turnir jadvalidagi o'rnini yanada mustahkamlab oldi.
Turnirdagi eng yomon natija "Mec"ga tegishli. Ular 13ta o'yinning 11tasida mag'lub bo'lishdi. Musobaqa jadvali etakchisi PSJ 13ta bahsda 35ta gol urdi va bu gollarning 22tasi Edinson Kavani (15ta) va Neymarga (7ta) tegishli. To'purarlar poygasida Kavani yaqqol peshqadam. Keyingi o'rinlarni Franciya chempionati turnir jadvalida joylashgan jamoalar kabi "Monako" va "Lion" futbolchilari egallab turishibdi.
To'purarlar jadvalida 5-o'rinni egallab turgan braziliyalik forvard, assistentlik bo'yicha hammadan oldinda. 13ta turdan so'ng 7ta gol urgan Neymar, jamoadoshlariga 7ta gol urishga ham yordam bergan.
Bosh sahifaga
199
