Uchrashuvdan so'ng murabbiylar shtabi jamoaga qisqa muddatli tanaffus berdi. Bugun jamoa “So'g'diyona” qarorgohiga yig'ildi va navbatdagi turdagi raqibi “Buxoro”ga qarshi tayyorgarlikni boshladi.
Buxoroga qarshi bahsda jamoamiz tarkibida bir nechta yo'qotishlar bor. Jamoa posboni Muzaffar Abdullaev sariq kartochkalari soni 4 taga etganligi sababli bo'lajak uchrashuvni o'tkazib yuboradi. SHuningdek,“Qo'qon-1912” ga qarshi bahsda chetlatilgan Ixtiyor Toshpo'latov va Azamat Isroilov ham jamoaga yordam bera olmaydi.
Yoshlar tarkibida U-19 terma jamoasi vakili Nodir Qo'yboqov sariq kartochkalari soni 4 taga etganligi bois o'rinbosarlar bahsini o'tkazib yuboradi.
Eslatib o'tamiz, oliy liganing 30-turida “So'g'diyona” Buxoroda “Buxoro”ga qarshi bahs olib boradi. O'yin 25 noyabr kuni soat 14:00 da “Buxoro” stadionida bo'lib o'tadi.
“So'g'diyona” matbuot xizmati
Bosh sahifaga
172