Jizzax viloyatining “G'allaorol” jamoasi ham birinchi liga bahslarida munosib ishtirok etdi. Bugun “G'allaorol” futbol klubi vakili ixtidorli Elbek Imomnazarov bilan suhbat qilishga qaror qildik.
- Elbek, futbolga kirib kelishingiz qanday bo'lgan va birinchi murabbiyingiz kim bo'lgan?
- Aslida futbolga kirib kelishimga onam sababchi bo'lganlar. Yoshlaligimdan mahallada o'rtoqlarim bilan futbol o'ynab yurardim va millonlar o'yiniga befarq emas ekanligimni onam sezdilar. Ko'p o'tmay onam meni futbol maktabiga olib bordilar va u erda Dilshod Hasanov qo'l ostida futbol sir asrorlarini o'rgandim. Hozirgi kunda nafaqat katta futbol balki futzal bahslarida ham ishtirok etaman.
- Bu yil siz “G'allorol” jamoasi safida to'p tepdingiz. Mavsum siz uchun qanday o'tdi va o'z o'yiningizdan qoniqdingizmi?
- Bu yilgi mavsum har domgidan ham qizg'in ruhda o'tdi. Yuqori o'rindagi jamoalar chempionlik uchun kurashdilar. Oxirgi o'rindagi jamoalar esa jon saqlab qolish uchun intildilar. Ko'p uchrashuvlar keskin ruhda o'tdi. Birinchi liga jamoasi safida o'ynash onson emas. O'yin davomida keskin kurashlar ko'p bo'ladi va natija har doim ham biz xoxlagandek bo'lmaydi. O'z o'yinimdan qoniqdimmi?Xato kamchiliklar hammada bo'ladi. Oz muncha qoniqish his qildim. Eng asosiysi har doim o'yin amaliyotiga ega bo'ldim.
- Elbek,jamoaningizni qoniqarsiz natijalar ham kuzatildi. Bunga sabab nima deb o'ylaysiz?
- Birinchi davradagi qoniqarsiz natijalardan so'ng klub rahbarlari jamoani tubdan yangiladi. Eski jamoadoshlarimdan 3-4 nafar bo'lib qoldik. CHempionatni asosan yoshlar bilan tugatdik. Ko'nikib ketishimizga ham vaqt ozlik qildi.
- O'zbekiston Futbol Federaciyasining oliy ligada 12 jamoa qolishiga va birinchi ligada 24 yoshgacha bo'lgan futbolchilar ishtirok etshiga qanday munosabat bildirasiz.
- Menimcha, malakali futbol mutaxassislari o'rganib chiqib va bir qarorga kelishgan. 12 jamoa qolishi esa juda to'g'ri qaror. Elitadagi o'yin va raqobat kuchayadi va chempionat saviyasi yanada oshadi deb o'ylayman. Birinchi ligada faqat 24 yoshgacha bo'lgan futbolchilar o'ynashi bu yaxshi ammo, bu alohida chempionat emas yoshlar ligasiga uxshab qoladi. 24 yoshgacha bo'lgan futbolchilar o'z jamoasini oliy ligaga olib chiqishi kerak. Bu vazifani uddalash juda qiyin. Buning uchun ularga tajribali futbolchilar kerak bo'ladi.
- Kelajakdagi rejalaringiz bilan o'rtoqlashsangiz.
- Ayni paytda bizda mavsum yakunlanganligi bois bu haqida jiddiy o'ylab ko'rganim yo'q. SHunday bo'lsa-da, bir ikkita takliflarim bor. Hozirda Serbiya chempionatida qatnashuvchi jamoalardan takliflarim bor. O'ylab ko'rib bir qarorga kelaman.
- Mazmunli suhbatingiz uchun tashakkur bildiraman.
- Sizga ham rahmat. SHu o'rinda barcha jizzaxlik futbol muxlislariga, mavsum davomida “G'allaorol” jamoasining o'yinlariga kelib bizni qo'llab-quvvatlagan muxlislarga minnatdorchilik bildiraman.
Dildora Xolboeva
Jizzax shahridan maxsus
Bosh sahifaga
1801
22 Dekabr 2022, 00:50