"Nasaf": Maqsad-sog'lom turmush tarzini targ'ib etish (FOTOGALEREYA)
/ Kiritdi: BestMaster O'qilgan: 2402
“Nasaf” professional futbol klubi rahbariyati tashabbusi bilan klub ishchi-xodimlari o'rtasida o'tkazilgan mini-futbol musobaqasi o'z nihoyasiga etdi.
Ishchi-xodimlar o'rtasida sog'lom turmush tarzini targ'ib etish maqsadida tashkil etilgan turnirda 10 ta jamoa ikki guruhga bo'lingan holda g'oliblik uchun kurash olib bordi.
“A” guruhida “Nasaf” jamoasi asosiy tarkibi murabbiylari va klub rahbariyatidan tashkil topgan “Nasaf-Coach”, futbol klubi haydovchilaridan tashkil topgan “Nasaf-Avto”, klub qo'riqlash xizmati xodimlarini jamlagan “Nasaf-oxrana”, “Markaziy” stadion ishchilari joy olgan “Nasaf-Markaz” hamda klub hisobchilari jam bo'lgan “Nasaf-Bank” jamoalari to'p tepishdi.
“V” guruhidan esa “Nasaf” futbol maktabi jamoasi, jamoa qarorgohi ishchi-xizmatchilar jam bo'lgan “Nasaf-Baza”, klub matbuot xizmati va marketing bo'limi xodimlaridan iborat “Nasaf-Media”, jamoa o'rinbosarlari murabbiylari va o'rinbosarlar jamoasi qarorgohi xodimlaridan tashkil topgan “Nasaf-Sputnik” hamda “Markaziy” stadion texnik xodimlarining “Nasaf-Texnik” jamoalari joy olishdi.
Musobaqa reglamentiga ko'ra, guruhlarda g'olib bo'lgan jamoalar qarama-qarshi guruhdagi ikkinchi o'rinni egallagan jamoa bilan yarim finalda kuch sinashdi. SHuningdek, guruhlarda 3-,4-va5-pog'onalarni band etgan jamoalar ham narigi guruhdagi xuddi shu pog'onada turgan jamoa bilan kuch sinashdi.
Murosasiz davom etgan bahslardan keyin hal qiluvchi final bahsiga kutilganidek “Nasaf-Coach” va “Nasaf” futbol maktabi jamoasi etib kelishdi. “Markaziy” stadionning asosiy futbol maydonida o'tkazilgan final bellashuvining ilk daqiqalaridanoq asosiy tarkib murabbiylaridan tashkil topgan “Nasaf-Coach” jamoasi tashabbusni o'z qo'liga olib, ikki to'p farqi bilan oldinga chiqib olishdi. SHuhrat Toshpo'latov va Ilnur Sibagatulin tomonidan kiritlgan gollardan keyin futbol maktabi murabbiylari-Nurali Sultonov, Pavel Kishnyakin, Ozod Berdiev, Baxtiyor Turdiqulov singari murabbiylardan iborat jamoa azolari oradagi farqni yo'qqa chiqarishga astoydil harakat qilishdi. Faqatgina o'yin so'ngida SHerzod Kattaev tomonidan kiritilgan gol hisobni qisqartirishga xizmat qildi -“Nasaf-Coach” – “Nasaf” futbol maktabi 2:1. SHu tariqa Ro'ziqul Berdiev sardorligidagi murabbiylar jamoasi ilk mart tashkil etilgan turnining bosh sovrinini qo'lga kiritishdi.
Musobqada sovrinli uchinchi o'rinni “Nasaf-Sputnik” jamosi egalladi. Ular bronza pog'ona uchun kurashda “Nasaf-Oxrana” jamoasini mag'lub etishdi -3:2.
Musobaqaning tantanli yopilish marosimida “Nasaf” PFK bosh menejeri SHamil Yarulin so'zga chiqib, ushbu musobaqa muvaqqiyatli ishtirok etgan jamoa sardorlariga qimmatbaho esdalik sovg'alarni topshirdi. Turnirda shuningdek, o'z istedodi va iqtidorini namoyish etgan xodimlar turli nominaciyalar bo'yicha taqdirlanishdi.
Bosh sahifaga
216
