Kecha saytimizda darvozasiga eng ko'p va eng kam penalti belgilangan klublar haqida malumot taqdim etgandik. Bu o'quvchilarimiz talab va istaklariga binoan eng ko'p va eng kam penalti tepgan jamoalar haqida malumot beramiz.
Demak, 2017 yilgi oliy ligada qatnashgan 16ta klubdan 15tasi kamida 1tadan penalti tepish huquqini qo'lga kiritdi.
Faqat Samarqandning "Dinamo" klubi mavsum davomida umuman penalti tepgani yo'q. "Obod" hisobida 1ta penalti bor. Qizig'i o'sha penaltidan so'ng gol bo'lmagan.
Oliy liga chempioni "Lokomotiv" klubi penalti tepish bo'yicha ham chempion bo'ldi. "Temiryo'lchilar" mavsum davomida 9 marta penalti tepishdi va ularning barchasi golga aylantirildi.
Penaltidan unumli foydalanish ko'rsatkichi eng past klub bu "Obod" hisoblanadi - 0 foiz. Undan keyin esa 25 foiz qayd etgan "Metallurg" va "SHo'rtan" klublari joy olishgan. Bu ikki klub 4tadan penaltiga ega bo'lib faqat 1 martadan gol urishgan xolos.
O'quvchilarimiz o'zlariga qiziq bo'lgan statistikalarni yozib qoldirishlari mumkin. Bizdan shunday statistika bo'lsa albatta saytda chop etiladi.
Bosh sahifaga
1293