Hujumchi "Paxtakor" tarkibida chempionat uchrashuvlarida 122 bellashuvda 64 gol urishga erishdi. Joriy mavsum 13 goldan 3tasini penaltidan kiritdi.
Sergeev yana ikki to'p kiritilishida jamoadoshlariga so'nggi pasni bergan holda ishtirok etgan. Bir uchrashuvda u o'rtacha 2,4 martadan raqiblar darvozasiga zarba bergan. To'p oshirishlarining aniqligi 78 foizdan iborat bo'ldi. Bir o'yinda o'rtacha hujumda 16 yakkakurashdan 7tasini muvaffaqiyatli yakunladi.
Sergeev 4-marta chempionat doirasida "Paxtakor" to'purariga aylandi. U 2014 yildan buyon klub to'purariga aylanmoqda. Ketma-ket to'purarga aylanish borasida u Birodar Abduraimov (1971-1973), Andrey Yakubik (1980-1982) va Igor SHkvirin (1998-2000) ko'rsatkichlarini ortda qoldirdi. Mutloq rekord Gennadiy Krasnickiyga tegishli bo'lib, u 1963-67 yillarda ketma-ket 5 bor jamoa to'purariga aylangan.
Umumiy hisobda ham rekord Krasnickiyga tegishli. O'zbekistonning XX asrdagi eng yaxshi futbolchisi jami 10 marta "Paxtakor" to'purari degan nomga ega chiqqan. Birodar Abduraimov esa 5 marta turli yillarda jamoa to'purarligini qo'lga kiritgan.
Bosh sahifaga
697