Yig'ilishda futbol uchrashuvlarida davomida muxlislarning o'zini tutish madaniyati, raqib jamoa futbolchilari va muxlislariga o'zaro hurmatda bo'lish, uchrashuv davomida qayd etilayotgan natijadan qatiy nazar futbolchilarni o'yin oxiriga qadar qo'llab-quvvatlash, uchrashuvni boshqarib borayotgan hakamlar shaniga noloyiq gap-so'zlarni yo'llmaslik, stadionga kirish va chiqish davomida, uchrashuv paytida tartibni saqlash, tozalik va ozodalikka rioya qilish kabi masalalar muhokama qilindi.
SHuningdek, 4 dekabr kuni “Bunyodkor” stadionida bo'lib o'tadigan O'zbekiston Kubogi finalidan o'rin olgan “Bunyodkor” va “Lokomotiv” jamoalari o'rtasidagi o'yinda haqiqiy o'zbek futboli muxlislarining madaniyatini ko'rsatish kerakligi, stadionda ajoyib muhit yaratgan holda o'z sevimli jamoa azolarini uchrashuv oxiriga qadar faol ravishda qo'llab-quvvatlash zarurligi tilga olib o'tildi.
Bundan tashqari, milliy chempionat bahslari davomida qaysi jamoa muxlislari tartibsizlikka yo'l qo'yib, stadionda o'zlarini noloyiq tarzda tutadigan bo'lishsa, o'sha jamoa O'zbekiston Professional Futbol ligasi tomonidan qatiy tarzda jazolanishi, keyingi uchrashuvlarni muxlislarsiz o'tkazishi, bu borada klublarga qo'yiladigan jarimalar miqdori oshirilgani fan-klub azolariga etkazildi.
Qayd etish kerakki, bu kabi fan-klub azolari o'rtasidagi yig'ilishlar viloyatlarda ham o'tkazilib, joylarda muxlislar bilan ham faol tarzda ish olib boriladi.
Bosh sahifaga
486