Keyingi yil oliy liga klublariga Toshkentda tibbiy ko'rikdan o'tish shart majburiyati qo'yilmaydi

Klublar bungacha Milliy olimpiya qo'mitasi binosida joylashgan Respublika sport tibbiyoti ilmiy-amaliy markazida majburan tibbiy ko'rikdan o'tib kelishayotgandi. Lekin bizga malum bo'lishicha, keyingi yildan oliy liga klublari oldiga bunday majburiyat qo'yilmaydi.

Endilikda viloyat jamoalari tibbiy ko'rikdan o'tish uchun poytaxtga kelib ovoro bo'lib yurishlari shart emas. Ular viloyat markazlaridagi tegishli bo'linmalarda tibbiy ko'rikdan o'tish imkoniga ega bo'lishadi.

Ammo futbolchining qo'lida tibbiy malumotnomasi bor deyish uning oliy liga o'yinlarida maydonga tushishiga ruxsat berildi degan manoni anglatmaydi. Har bir futbolchi dastlab PFL mutaxassislari ko'rigida bo'lib, maxsus testlardan o'tgandan so'nggina maydonga tushish ruxsatini oladi.