Qarshining "Nasaf" jamoasi Ro'ziqul Berdiev qo'l ostiga o'tganidan buyon sovrindorlar ro'yxatidan tushib qolmayapti.
"Ajdarlar" ketma-ket to'rt marotaba bronza medallarini qo'lga kiritishdi va joriy mavsumda kumush medallariga ega chiqishdi. SHu tariqa qarshiliklar Berdiev boshchiligida har safar mavsumni sovrindor sifatida yakunlashmoqda.
Toshkentning "Lokomotiv" jamoasi so'nggi oltita mavsumni ancha muvaffaqiyatli o'tkazmoqda.
"Temiryo'lchilar" 2012 yildan buyon "kuchli-uchlik"dagi o'rinlarini hech kimga berishmayapti. "Lokomotiv" jamoasi barcha sovrinlarga bosqichma-bosqich, asta-sekinlik bilan erishdi.
Dastlab jamoa 2012 yili bronza medallarini naqd qilgandi. Keyinchalik ikki mavsum (2013, 2014) mamlakat chempionatining kumush medallariga sazovor bo'lishdi.
Oxirgi ikki mavsumda esa jamoa chempionlik shohsupasidan pastga tushmayapti.
SHuni alohida qayd etish kerakki, bu ikki jamoalar ushbu mavsumlar oralig'ida O'zbekiston kubogi sohibi bo'lishga ham ulgurishdi. "Lokomotiv" 2014 hamda 2016 yillari kubokka egalik qilgan bo'lsa, "Nasaf" 2015 yilda o'z tarixida ilk bor O'zbekiston kubogi sohibiga aylangandi.
CHempionatimizning oxirgi 5 yilligidagi eng barqaror jamoa sifatida aynan "Lokomotiv" hamda "Nasaf"ni etirof etish mumkin.
Bosh sahifaga
2143